|
|||
2010-11-25 16:48:38 CET 2010-11-25 16:49:38 CET REGULATED INFORMATION Reykjaneshöfn - FyrirtækjafréttirTilkynning um breytingu á tillögu til lánveitenda og eigenda fjármálagerninga sem útgefnir eru af ReykjaneshöfnReykjaneshöfn hefur borist orðsending frá Lánasjóði Sveitarfélaga (LS) um afstöðu sjóðsins til tillögu hafnarinnar. Orðsendingin felur í sér að LS hafnar tillögu Reykjaneshafnar og er svohljóðandi: „Þar sem lög um LS heimila eingöngu lánveitingar til verkefna með almenna efnahagslega þýðingu er ekki séð að heimilt sé að lána, eða skuldbreyta vöxtum eins og hér er farið fram á. Því hefur stjórn hafnað þessari beiðni.“ Í ljósi þessarar afstöðu LS hefur Reykjaneshöfn ákveðið að breyta tillögunni á þann veg að hún verði að hljóta samþykki allra lánveitenda og eigenda fjármálagerninga nema LS. Engin önnur breyting er gerð á tillögunni. Öll lán Reykjaneshafna frá LS eru í skilum, en næsti gjalddagi er þann 5. febrúar. Samkvæmt ákvæðum tillögunnar mun Reykjaneshöfn ekki inna af hendi neinar greiðslur á þessum gjalddaga og stendur það ákvæði óbreytt. Ef til gjaldfellingar LS kemur vegna gjalddaga 5. febrúar eiga aðrir kröfuhafar samkvæmt tillögunni rétt til að gjaldfella sínar kröfur og stendur það ákvæði óbreytt. Ef tillagan með þessari breytingu fær samþykki allra kröfuhafa, mun Reykjaneshöfn eftir sem áður ljúka stefnumótunarvinnu og leita leiða til úrlausnar á skuldavanda sínum og halda lánveitendum og eigendum fjármálagerninga upplýstum um framgang þeirrar vinnu eðli máls samkvæmt. Nánari upplýsingar veitir Pétur Jóhannsson, framkvæmdastjóri Atvinnu- og hafnarsviðs Reykjanesbæjar í síma 420-3222. |
|||
|