|
|||
![]() |
|||
2012-10-24 20:12:05 CEST 2012-10-24 20:13:06 CEST REGULATED INFORMATION Marel hf. - ÁrsreikningurAfkoma þriðja ársfjórðungs 2012Hægari vöxtur með batnandi framlegð (Allar fjárhæðir í EUR) -- Tekjur á þriðja ársfjórðungi 2012 námu 164,3 milljónum evra, sem samsvarar 2.8% lækkun miðað við sama tímabil árið 2011 [169,1 milljónir evra]. -- EBITDA var 20,5 milljónir evra, sem er 12,5% af tekjum [Q3 2011: 25,8 milljónir evra]. -- Rekstrarhagnaður (EBIT) var 14,1 milljón evra, sem er 8,6% af tekjum [Q3 2011: 19,5 milljónir evra]. -- Hagnaður eftir skatta nam 8,4 milljónum evra á þriðja ársfjórðungi [Q3 2011: 10,5 milljónir evra]. Hagnaður á hlut (e. basic EPS) á fjórðungnum var 1,15 evru sent [Q3 2011: 1,42 evru sent] . -- Handbært fé frá rekstri var 13,7 milljónir evra og nettó vaxtaberandi skuldir 261,1 milljón evra í lok fjórðungsins. -- Staða pantanabókar Marel nam 151 milljón evra í lok fjórðungsins samanborið við 196,8 [1] milljónir evra í lok þriðja ársfjórðungs 2011. Tekjur félagsins hafa vaxið umtalsvert eða um 10.6% það sem af er ári miðað við sama tímabil árið 2011. Rekstarhagnaður (EBIT) fyrstu níu mánuðina var 8,9% af veltu sem er undir markmiði félagsins um 10-12% á ári. Marel gerir ráð fyrir að tekjur ársins 2012 vaxi um 5-6% milli ára og áætlar nú að rekstrarhagnaður ársins verði um 9% af veltu sem er endurmat á fyrra markmiði. Theo Hoen, forstjóri: “Markaðsaðstæður á árinu hafa verið krefjandi og niðurstöður síðustu tveggja ársfjórðunga voru undir væntingum okkar. Miðað við aðstæður megum við þó vel við una. Vöxtur á árinu er umtalsverður, rekstrarhagnaður er nærri 9% af veltu og við gerum ráð fyrir að ná fyrri arðsemi aftur innan tíðar. Við teljum að eftirspurn sé að byggjast upp og það eru mörg spennandi verkefni í gangi sem við eigum von á að verði að pöntunum í náinni framtíð. Marel er í lykilstöðu með öflugt alþjóðlegt sölu- og þjónustunet og með leiðandi lausnir á markaðnum. Við sjáum góðan árangur af nýju markaðsdrifnu skipulagi fyrirtækisins. Það gengur vel í fiskiðnaði og við væntum aukinnar eftirspurnar frá kjötiðnaði á næstunni. Á heildina litið gengur vel að framfylgja vaxtarstefnu félagsins og ég lít komandi ár bjartsýnum augum.“ Tekjur áætlaðar um 700 milljónir á árinu 2012 Tekjur Marel námu 535,6 milljónum evra á fyrstu níu mánuðum ársins 2012 og jukust um 10,6% miðað við sama tímabil árið 2011. Vöxtur Marel hefur verið hraður á undanförnum árum. Þriðji ársfjórðungur endurspeglar hægari vöxt í hagkerfum heimsins sem hefur skapað óvissu og tafið fjárfestingar. Marel hefur lagt áherslu á að afkoma félagsins sé breytileg milli ársfjórðunga. Um þessar mundir kemur óvissa í efnhagsumhverfinu fram í rekstri félagsins. Hins vegar er skipting tekna eftir landssvæðum áfram í góðu jafnvægi á þriðja ársfjórðungi, s.s. stór verkefni í Kanada, Sádí-Arabíu og Rússlandi. Eins og fjallað er um nánar í kaflanum „Markaðir“ eru markaðshorfur áfram jákvæðar þar sem spáð er stöðugum vexti í prótíniðnaði. Marel stefnir áfram að því að ná 1 milljarði evra í veltu á árinu 2015. Gert er ráð fyrir 9% EBIT framlegð á árinu 2012 -- Rekstrarhagnaður (EBIT) nam 47,4 milljónum evra á fyrstu níu mánuðum ársins, sem er 8.9% af tekjum, samanborið við 51,5 milljónir evra (leiðrétt) [2] á sama tímabili á síðasta ári. -- Gert er ráð fyrir að EBIT framlegð ársins 2012 verði um 9%. Rekstarhagnaður eykst milli fjórðunga og hefur hækkað í 8,6% af veltu úr 6,5% sem er undir markmiði félagsins. Ástæður þess eru á sömu lund og á síðasta fjórðungi: Það er enn kostnaðarauki við framkvæmd ýmissa verkefna og samsetning seldra vara er óhagstæð vegna aðstæðna á mörkuðum. Eftirspurn var minni eftir stöðluðum vörum en stærri verkefnum sem hafa lægri framlegð. Hins vegar má gera ráð fyrir að stærri verkefni auki síðar eftirspurn eftir stöðluðum vörum og þjónustu. Staða pantanabókar er viðunandi Á þriðja ársfjórðungi var andvirði nýrra pantana lægra en undanfarna ársfjórðunga, en virði þeirra nam 133 milljónum evra. Tímasetning stórra pantana hefur ávallt áhrif á stærð pantanabókarinnar sem nú stendur í 151,4 milljónum evra. Viðskiptavinir Marel eru almennt að kljást við erfitt efnahagsástand en auk þess hærra fóðurverð. Þetta hefur leitt til tafa á fjárfestingum, bæði í einstökum tækjabúnaði og stærri vinnslukerfum sem og varahlutum og þjónustu. Fyrirliggjandi verkefni hjá fyrirtækinu eru vel viðunandi. Markaðsstaða félagsins er sterk og horfur fyrir nýjar pantanir eru jákvæðar þar sem áframhaldandi stöðugum vexti er spáð á prótínmarkaði á næstu árum. Kynningarfundur 25. október 2012 Marel boðar til kynningarfundar um afkomu félagsins fimmtudaginn 25. október kl. 8:30 í húsnæði félagsins að Austurhrauni 9, Garðabæ. Fundinum verður einnig netvarpað: www.marel.com/webcast. Sjá fréttatilkynningu í fullri lengd í meðfylgjandi pdf viðhengi. [1]Þetta er leiðrétt fjárhæð fyrir 3. ársfjórðung 2011 (um 7,3 milljónir) í samræmi við upplýsingagjöf á fjárfestafundi vegna 2. ársfjórðungs en þar kom fram að pantanabók hafði verið leiðrétt í kjölfar nýs skipulags fyrirtækisins. [2]Án einskiptiskostnaðar vegna samninga um nýtt fyrirkomulag lífeyrissjóðsmála sem nam 11,1 milljón evra. |
|||
|