Lánasjóður sveitarfélaga - Fyrirtækjafréttir

Undirritun samninga í tengslum við útgáfu skuldabréfa lánasjóðsins og viðskiptavakt á eftirmarkaði

Í gær 25. maí, var skrifað undir samninga hjá Lánasjóði sveitarfélaga í
tengslum við útgáfu skuldabréfa lánasjóðsins og viðskiptavakt á eftirmarkaði.
Markmiðið með samningnum er að styrkja aðgang lánasjóðsins að lánsfé og efla
verðmyndun á eftirmarkaði. 
Frá 26. maí 2010 hafa fjórar fjármálastofnanir heimild til að kalla sig:"Aðalmiðlara með skuldabréf lánasjóðsins". Þær eru: Arion banki hf.,
Íslandsbanki hf., MP banki hf. og Saga Capital fjárfestingabanki hf. 

Aðalmiðlarar/Viðskiptavakar hafa einir aðgang að útboðum lánasjóðs
sveitarfélaga. 

Aðalmiðlari/Viðskiptavaki skuldbindur sig til að setja fram markaðsmyndandi
tilboð í útboðum skuldabréfa lánasjóðsins fyrir a.m.k. 100 milljónir króna. 

Aðalmiðlarar/Viðskiptavakar hafa einir aðgang að sérstökum verðbréfalánum sem
lánasjóðurinn veitir. 

Aðalmiðlari/viðskiptavaki er viðskiptavaki á eftirmarkaði fyrir LSS24 og setur
fram kaup- og sölutilboð að lágmarki 50 m.kr. að nafnvirði í Nasdaq OMX á
Íslandi. 

Aðalmiðlari/viðskiptavaki skuldbindur sig til þess að verðmunur kaup- og
sölutilboða hans haldist innan tiltekinna marka sem nánar eru skilgreind í
samningunum. 

Aðalmiðlara/viðskiptavaka er skylt að endurnýja tilboð sín innan 15 mínútna frá
því að þeim hefur verið tekið. Ef aðalmiðlari á viðskipti á einum viðskiptadegi
fyrir 200 m.kr. að nafnvirði er honum heimilt að víkja út frá hámarksmun
kaup-og sölutilboða. 


Meðfylgjandi er sýnishorn af samningi þar sem fram koma ýtarlegri upplýsingar
um réttindi og skyldur samningsaðila. 


Nánari upplýsingar f.h. Lánasjóðs sveitarfélaga veitir: 
Egill Skúli Þórólfsson
Sími: +354 515 4947
egill@lanasjodur.is

Liitteet:

aðalmiðlarasamningur.pdf