Skipti hf. - Fyrirtækjafréttir

- Innlausn hluta í Skiptum hf.

Uppgjör á yfirtökutilboði Exista í hluti í Skiptum fór fram í gær, 2. júní
2008, og eiga Exista og dótturfélög þess nú alls 7.443.667.219 hluti í Skiptum
eða sem nemur 99,22% af heildarhlutafé og fara með samsvarandi atkvæðisrétt í
félaginu. Í ljósi þess hafa Exista og stjórn Skipta samþykkt að aðrir hluthafar
í Skiptum skuli sæta innlausn Exista á hlutum sínum, sbr. 1. mgr. 110. gr. laga
nr. 108/2007 um verðbréfaviðskipti. 

Innlausnarverðið er 6,64 kr. fyrir hvern hlut í Skiptum. Greitt verður fyrir
hlutina með hlutum í Exista þar sem hver hlutur í Exista er verðlagður á 10,1
krónu. Er um að ræða sama verð og endurgjald og Exista bauð hluthöfum Skipta í
yfirtökutilboði sem lauk 26. maí 2008. Greiðslan verður innt af hendi 2. júlí
2008. 

Hluthöfum Skipta, sem innlausnin tekur til, verður send tilkynning um
innlausnina ásamt framsalseyðublaði, en einnig verður hægt að nálgast
tilkynninguna og framsalseyðublaðið hjá Kaupþingi banka hf., Borgartúni 19, 105
Reykjavík.