|
|||
2012-02-28 15:51:21 CET 2012-02-28 15:52:22 CET REGULATED INFORMATION Orkuveita Reykjavíkur - FyrirtækjafréttirUppstokkun í rekstri Orkuveitunnar lokiðUppstokkun í rekstri Orkuveitu Reykjavíkur, sem staðið hefur undanfarin misseri, lauk í dag. Skipulagi og verklagi er breytt hjá fyrirtækinu og 20 manns var sagt upp störfum. Fækkun starfsfólks er liður í þeirri áætlun sem stjórn Orkuveitunnar og eigendur samþykktu vorið 2011. Hún gerir ráð fyrir verulegri lækkun rekstrarkostnaðar. Starfsfólki Orkuveitunnar hefur nú fækkað um 200, úr rúmlega 600 þegar þeir voru flestir árið 2008, í rúmlega 400 nú í lok febrúar.´(Í viðhengi má sjá myndrit er sýnir starfsmannafjölda OR 2000-2012) Skuldabyrði Orkuveitunnar er enn mjög þung. Hagræðing í daglegum rekstri er mikilvægur þáttur í að styrkja fjárhagsstöðuna og ráða fram úr skuldavandanum. Aðgerðaáætlunin, sem Orkuveitan er rekin eftir, gerir ráð fyrir því að á árinu 2012 lækki rekstrarkostnaður um 900 milljónir króna. Aðgerðir á áætlun Heildarmarkmið aðgerðaáætlunarinnar er að bæta sjóðstreymi Orkuveitunnar um 50 milljarða króna frá 2011 til og með 2016. Þar af stafa 30 milljarðar króna af hagræðingu í rekstri, frestun fjárfestinga og sölu eigna, 12 milljarðar króna eru fengnir að láni hjá eigendum og sérstakar gjaldskrárhækkanir, sem þegar hafa gengið í gildi, munu skila 8 milljörðum króna frá 2011 til og með 2016. Í viðhenginu má sjá yfirlit yfir áætlunina frá 29. mars 2011, á upphaflegu verðlagi hennar. Orkuveitan gerir reglulega grein fyrir framvindu áætlunarinnar með tilkynningum til fjölmiðla og Kauphallar, samhliða árshlutauppgjörum. Allir þættir aðgerðaáætlunarinnar eru á áætlun og aðgerðirnar í dag eru nauðsynlegar til að tryggja að svo verði áfram. Mikil fækkun starfsfólks Eftirtaldir meginþættir skýra fækkun starfsmanna hjá Orkuveitunni: -- Ítarleg greining á rekstri og verkefnum Orkuveitunnar hefur leitt til skipulagsbreytinga og hagræðingar á öllum sviðum starfseminnar. -- Verkefni utan kjarnastarfsemi hafa verið lögð niður. -- Fjárfestingum í veitukerfum frestað. -- Hægari uppbygging hjá sveitafélögum. -- Byggingu Hellisheiðarvirkjunar er lokið. Fækkun starfsfólks hefur orðið með ýmsum hætti. -- Almennu ráðningarbanni, sem verið hefur síðastliðin misseri. -- Tilboði til starfsmanna sem náð hafa 63 ára aldri um að flýta starfslokum. -- Uppsögnum. Fyrirtækið leggur áherslu á að milda áhrif uppsagnanna á það fólk sem fyrir þeim verður. Í samræmi við það stendur því til boða 100.000 króna styrkur til greiðslu náms- eða námskeiðsgjalda kjósi það að styrkja stöðu sína með námi. OR greiðir starfsfólki laun á uppsagnarfresti í samræmi við lög og skyldur en að auki eru viðbótargreiðslur sem miðast við starfsaldur viðkomandi hjá fyrirtækinu. OR samdi við ráðningarþjónustu um vinnumarkaðsaðstoð og við sálfræðistofu um að aðstoða þá sem þess óska. |
|||
|