|
|||
![]() |
|||
2012-03-06 16:34:04 CET 2012-03-06 16:35:05 CET Lánasjóður sveitarfélaga - FjárhagsdagatalLánasjóður sveitarfélaga ohf - Ársreikningur 2011Góð afkoma 2011 Tekjuafgangur 2011 var 951 m.kr. á móti 1.248 m.kr. árið áður. Munur milli ára skýrist aðallega af gengisþróun evrunnar, en sjóðurinn var ekki með opna gjaldeyrisstöðu sem neinu nemur á árinu 2011. Meginhlutverk sjóðsins er að tryggja sveitarfélögum, stofnunum þeirra og fyrirtækjum lánsfé á hagstæðum kjörum. Útborguð langtímalán á árinu 2011 voru 6.792 m.kr. samanborið við 6.378 m.kr. á fyrra ári. Sjóðurinn hefur ekki tapað útláni frá því að hann hóf starfsemi árið 1967 og engin vanskil voru í árslok 2011. Sveitarfélögin bera ekki ábyrgð á skuldbindingum sjóðsins, en tryggingar fyrir útlánum hans eru í tekjum sveitarfélaga skv. 2. mgr. 68. gr. sveitarstjórnarlaga nr. 138/2011, sbr. einnig reglugerð um tryggingar Lánasjóðs sveitarfélaga í tekjum sveitarfélags nr. 123/2006. Eigið fé í árslok 2011 var 15.129 m.kr. á móti 14.178 m.kr. árið áður. Vegið eiginfjárhlutfall, CAD hlutfall, var 58% í árslok 2011 en var 78% í árslok 2010. CAD hlutfallið þarf að vera að lágmarki 8% skv. lögum um fjármálafyrirtæki og er lánasjóðurinn því langt yfir því marki. Breyting á milli ára skýrist af nýsettum reglum FME um eiginfjárkröfur og áhættugrunn fjármálafyrirtækja sem tóku gildi 13. apríl 2011. Framtíðarhorfur Gert er ráð fyrir að afkoma sjóðsins á árinu 2012 verði að mestu leyti í samræmi við afkomu ársins 2011. Sem fyrr verður allt kapp lagt á að tryggja lánshæfi sjóðsins og viðhalda því trausti sem fjárfestar hafa á skuldbindingum hans. Lánasjóðurinn mun í meginatriðum starfa líkt og undanfarin ár þar sem stefnt hefur verið að eflingu á starfsemi hans og að nýta gott lánstraust sjóðsins til að útvega sveitarfélögunum lánsfé á hagstæðum kjörum. Opinn kynningarfundur Opinn kynningarfundur fyrir markaðsaðila verður haldinn föstudaginn 9. mars 2012 í starfsstöð sjóðsins, Borgartúni 30, 5 hæð. Óttar Guðjónsson framkvæmdastjóri mun kynna afkomu og efnahag sjóðsins ásamt því að svara spurningum. Kynningin hefst kl. 08:30. Nánari upplýsingar veitir: Óttar Guðjónsson, framkvæmdastjóri, s. 515 4949. |
|||
|