Fljótsdalshérað - Ársreikningur

Leiðrétting: Ársreikningur Fljótsdalshéraðs fyrir árið 2011 - Frétt send 2012-03-21 17:59:31 CET

Leiðrétting:
Í fyrri umræðu um ársreikning varð breyting á áætlaðri dagsetningu vegna seinni
umræðu. Hún verður þann 18. apríl en ekki þann 4. apríl eins og fram kemur í
áður birtum gögnum. 



Ársreikningur Fljótsdalshéraðs fyrir árið 2011 verður tekinn til fyrri umræðu í
bæjarstjórn Fljótsdalshéraðs miðvikudaginn 21. mars 2012 og hefst fundur kl.
17:00. Samkvæmt sveitarstjórnarlögum skal fjalla um ársreikninginn á tveimur
fundum í sveitarstjórn og er áætlað að seinni umræða um ársreikninginn fari
fram í bæjarstjórn miðvikudaginn 18. apríl næstkomandi. 

Helstu niðurstöður.

  -- Rekstrarniðurstaða 
fyrir afskriftir, fjármagnsliði og tekjuskatt 
var jákvæð sem nam 656 millj. kr. á árinu 2011 og batnaði frá árinu 2010 um
     187 millj. kr. Fjárhagsáætlun ársins gerði ráð fyrir 611 millj. kr.
     afgangi.
  -- Að teknu tilliti til fjármagnsliða var rekstarafkoma Fljótsdalshéraðs á
     árinu 2011 neikvæð sem nam 162 millj. kr. en fjárhagsáætlun 2011 gerði ráð
     fyrir 20 millj. kr. rekstarafgangi.
  -- Skýrist verri afkoma af óhagstæðri verðlags-, vaxta og gengisþróun en
     fjármagnsgjöld hækkuðu um 397 millj. kr. á milli ára og námu samtals 624
     millj. kr.  Fjárhagsáætlun 2011 gerði ráð fyrir 370 millj. kr.
     fjármagnsgjöldum.
  -- Aukin framlegð í rekstri sveitarfélagsins skilar sér hins vegar í meiri
     fjármunamyndun og eykst veltufé frá rekstri um 143 millj. kr. á milli ára
     og nam í árslok 373 millj. kr., skv. sjóðstreymisyfirliti.  Fjárhagsáætlun
     gerði ráð fyrir 345 millj. kr. í veltufé frá rekstri.
  -- Staðan er sú í árslok 2011 að einungis vantar 19 millj. kr. upp á að
     veltufé frá rekstri standi undir afborgunum langtímaskuldbindinga.
  -- Áætlanir sveitarfélagsins fyrir tímabilið 2012-2015 gera svo ráð fyrir að
     þessi framlegðarauki haldi áfram og á árinu 2012 verði veltufé frá rekstri
     jákvætt um 479 millj. kr. á meðan afborganir af skuldbindingum nemi 415
     millj. kr.  Rekstur Fljótsdalshéraðs er þá farinn að standa ríflega undir
     greiðslubyrði lána og áætlað að sú þróun haldi áfram  í langtímaáætlun
     sveitarfélagsins.

Rekstarafkoma  2011.

Samstæða A og B hluta:

Rekstarniðurstaða í samstæðureikningi Fljótsdalshéraðs fyrir A og B hluta á
árinu 2011 var neikvæð um 162  millj. kr. sem er um 181,5 millj. kr. lakari
niðurstaða en gert var ráð fyrir í samþykktri áætlun fyrir árið 2011.  Framlegð
 (EBITDA) úr  rekstrinum skilaði 656 millj. kr. eða 22,5% framlegðarhlutfalli. 
Til samanburðar nam framlegð um 469 millj. kr. á árinu 2010 eða 19,4%
framlegðarhlutfall. 

Samkvæmt rekstarreikningi ársins 2011 námu rekstartekjur A og B hluta 2.908
millj. kr. samanborið við 2.416 millj. kr. á árinu 2010. Hækkun tekna miðað við
fyrra ár nemur 20%.  Þar af nemur tekjuaukning vegna málaflokks fatlaðra um 209
millj. Kr. eða tæp 11%.  Að auki nam tekjufærsla vegna tekjuskattseignar um 49
millj. kr. 

Rekstargjöld A og B hluta, þ.e. laun og launatengd gjöld, annar
rekstarkostnaður og afskriftir námu á árinu 2.494 millj. kr. en voru 2.177
millj. kr. á árinu 2010. Hækkun frá fyrra ári nemur 14,5%.  Þar af nema útgjöld
vegna yfirtöku á málaflokki fatlaðra um 209 millj. kr. eða 4,5%. 

Veruleg breyting varð á fjármunatekjum og fjármagnsgjöldum milli ára. 
Fjármagnsgjöld umfram fjármunatekjur A og B hluta árið 2011 námu 624 millj. kr.
samanborið við 228 millj. kr. árið 2010 eða 396 millj. kr. lakari niðurstaða. 

Afkoma sveitarfélagsins á árinu  2011 er því  um 174 millj. kr. lakari miðað
við árið 2010. 



Sjóðstreymisyfirlit A  og B hluta:

Samkvæmt sjóðstreymisyfirliti 2011 nam veltufé frá rekstri A og B hluta 373
millj. kr. á árinu  samanborið við 230 millj. kr. á árinu 2010, sem svarar til
143 millj. kr. hækkunar á milli ára. 

Að teknu tilliti til breytinga á rekstartengdum eignum og skuldum nam handbært
fé frá rekstri A og B hluta um 438 millj. kr. samanborið við 244 millj. kr. á
árinu 2010, eða sem svarar til 79,9% hækkunar á milli ára. 

Fjárfestingarhreyfingar á árinu  í A og B hluta námu samtals 400,5 millj. kr.
samanborið við 587 millj. kr. á árinu 2010. 

Fjármögnunarhreyfingar ársins fyrir A og B hluta sýna að innborganir umfram
útborganir námu 89,5 millj. kr. á árinu 2011. 

Handbært fé hækkaði um 127 millj. kr. á árinu og nam 167 millj. kr. í árslok
2011. 


Efnahagsreikningur A og B-hluta  31.12.2011:

Eignir A og B hluta:

Heildareignir samkvæmt efnahagsreikningi námu 7.066 millj. kr. í árslok 2011
fyrir A og B hluta, samanborið við 7.002 millj. kr. í árslok 2010.  Breyting á
milli ára er 1% hækkun. 

Varanlegir rekstarfjármunir námu alls 6.303 millj. kr. hjá A og B hluta og
lækka um 88 millj. kr. frá fyrra ári. 

Áhættufjármunir og langtímakröfur námu 385 millj. kr. sem er hækkun um 42
millj. kr. á milli ára, sem skýrist af hækkun skattaeignar. 

Óinnheimtar skatttekjur námu 90 millj. kr. í árslok 2010 samanborið við 81
millj. kr. árið áður og nemur hækkunin 10% á milli ára. 

Aðrar skammtímakröfur lækka um 22% á milli ára og námu í árslok 119 millj. kr.


Eigið fé A og B hluta:

Eigið fé A og B hluta var neikvætt um 380 millj. kr. í árslok 2011 og er
eiginfjárhlutfall sveitarfélagsins neikvætt um  -0,54% samanborið við 0,5%
eiginfjárhlutfall í árslok 2010.  Neikvæð rekstarafkoma skýrir að hluta þessa
miklu breytingu á eiginfjárstöðu frá fyrra ári.  Að auki var í uppgjöri færð
253 millj. lækkun eiginfjár í A hluta.  Skýringin er sú að í samræmi við
reikningsskilareglur sveitarfélaga voru framtíðartekjur af lóðaleigu núvirtar
og færðar til eignar.  Síðan var tekin sú ákvörðun að lækka lóðaleigu á
íbúðarhúsnæði á árinu 2011 sem þýddi 12 millj. kr. lækkun á lóðaleigutekjum en
á móti var hækkaðar álagningarprósentur á fasteignaskatti.   Endurmat á
núvirtri lóðaleigueign í samræmi við reikningsskilareglur lækkar eignastofninn
um 253 millj. kr. vegna lækkunar á álagningarprósentu lóðaleigu og færist
gegnum eigið fé. 


Skuldir og skuldbindingar A og B hluta:

Heildarskuldir og skuldbindingar samkvæmt efnahagsreikningi námu 7.446 millj.
kr. í árslok 2011 fyrir A og B hluta, samanborið við 6.966 millj. kr. í árslok
2010. 

Langtímaskuldir námu alls 6.316 millj. kr. hjá A og B hluta samanborið við
5.940 millj. kr. árið áður og hækka um 6,3% á milli ára. 

Skammtímaskuldir án  næsta árs afborgana námu 403 millj. kr. í árslok 2011 hjá
A og B hluta samanborið við 364 millj. kr. árið áður og nemur hækkunin alls
10,7% á milli ára. 

Rekstarafkoma  2011.

A hluti:

Rekstartekjur A hluta námu 2.577 millj. kr. samanborið við 2.109 millj. kr. á
árinu 2010.  Hækkun milli ára nemur alls 22%. 

Rekstargjöld A hluta námu alls 2.278 millj. kr. á árinu 2011 en voru 1.966
millj. kr. á árinu 2010. 

Hækkun frá fyrra ári nemur 16%.

Fjármagnsgjöld umfram fjármagnstekjur námu 496 millj. kr. samanborið við 173
millj. kr.  á árinu 2010. 


Sjóðstreymisyfirlit A hluta:

Samkvæmt sjóðstreymisyfirliti 2011 nam veltufé frá rekstri í  A hluta  233
millj. kr. á árinu 2011 samanborið við 114 millj. kr. á árinu 2010, sem svarar
til 119 millj. kr. hækkunar á milli ára. 

Að teknu tilliti til breytinga á rekstartengdum eignum og skuldum nam handbært
fé frá rekstri A hluta um 230 millj. kr. samanborið við 134 millj. kr. á árinu
2010. 

Fjárfestingarhreyfingar á árinu í A hluta námu samtals 432 millj. kr.
samanborið við 562 millj. kr. á árinu 2010. 

Fjármögnunarhreyfingar ársins fyrir A hluta sýna að innborganir umfram
útborganir voru  317 millj. kr. á árinu 2011. 

Handbært fé hækkaði  um 114 millj. kr. á árinu og nam það 139 millj. kr. í
árslok 2011. 



Efnahagsreikningur A-hluta  31.12.2011:

Eignir A hluta:

Heildareignir A hluta námu 5.546 millj. kr. í árslok 2011, samanborið við 5.665
millj. kr. í árslok 2010 sem er lækkun um 2,1% á milli ára. 


Skuldir og skuldbindingar A hluta:

Heildarskuldir og skuldbindingar A hluta námu 5.750 millj. kr. í árslok 2011
samanborið við 5.420 millj. kr. í árslok 2010 sem er hækkun  um 6,1% á milli
ára. 

Langtímaskuldir námu alls 4.650 millj. kr. hjá A samanborið við 4.499 millj.
kr. árið áður og hækka um 3,3% á milli ára. 

Skammtímaskuldir að frádregnum næsta árs afborgunum lána námu 462 millj. kr. í
árslok 2010 hjá A hluta samanborið við 344 millj. kr. árið áður og nemur
hækkunin alls 34% á milli ára. 

Fjárfestingar á árinu 2011:

Fjárfesting A hluta í varanlegum rekstarfjármunum nam 156 millj. kr. á meðan
fjárfestingaráætlun gerði ráð fyrir 20 millj. kr.  Stærsta frávikið er kaup á
eignum ríkissjóðs vegna yfirtöku á málaflokki fatlaðra og nam sú fjárhæð 113
millj. kr.  Að auki þurfti að stækka og breyta bæjarskrifstofum vegna þessa. 
Nam sá kostaður um 16 millj. kr.  Aðrar helstu fjárfestingar í A hluta eru
gatnagerð 5, 6 millj., undirbúningskostnaður á nýjum urðunarstað 4 millj. kr.,
íþróttamannvirki 7,5 millj. kr. 



Fjárfesting í B hluta nam samtals 262 millj. kr. en fjárfestingaráætlun  gerði
ráð fyrir 162 millj. kr. í fjárfestingar.  Stærstu liðir þar eru
hitaveituframkvæmdir upp á 236 millj. kr. sem að stærstum hluta er Vallaveita
sem er sumarbústaðahverfið að Einarsstöðum og Úlfstöðum og er 11 km. frá
Egilsstöðum.  Farið var í framkvæmir við vatnsveitu fyrir 14 millj. kr., og
fráveitu fyrir 3 millj. kr.  Að auki var keypt 1 í búð fyrir Dvalarheimili
aldraðra að fjárhæð 9,5 millj. kr. 

Fjárhagsáætlunin var ekki tekin til endurskoðunar  á árinu 2011.

Eftirlitsnefnd með fjármálum sveitarfélaga:

Haldir voru 2 upplýsingafundir með eftirlitsnefnd um fjármál sveitarfélaga á
árinu 2011 og fjárhagslegar upplýsingar sendar með reglubundum hætti í samræmi
við lög og reglur. 

Nánari upplýsingar veitir:  Björn Ingimarsson, bæjarstjóri Fljótsdalshéraðs

Liitteet:

Arsreikningur Fljotsdalsheras 2011_21032012.pdf - Adobe Acrobat Pro.pdf