365 hf. - Niðurstöður hluthafafundar

Niðurstöður aðalfundar 11. mars 2008

Þær tillögur félagsstjórnar sem voru lagðar fyrir aðalfund 365 hf. þann 11.
mars voru samþykktar; 

Eftirfarandi tillaga um arðgreiðslu var samþykkt: 
Stjórn 365 hf. leggur til að ekki verði greiddur út arður fyrir síðastliðið
starfsár. 

Eftirfarandi tillögur um breytingar á samþykktum félagsins voru samþykktar: 

1.Endurnýja heimild til stjórnar að ákveða hækkun á hlutafé vegna
kaupréttarsamninga 
Stjórn félagsins gerir að tillögu sinni að breyta grein 2.01.2 í samþykktum
félagsins sbr. eftirfarandi: 

Stjórn félagsins hefur heimild til að ákveða hækkun á hlutafé félagsins um allt
að kr. 80.000.000 (krónur áttatíu milljónir) til greiðslu á skuldbindingum
vegna útgefinna kaupréttarsamninga starfsmanna og stjórnarmanna. Heimild þessi
gildir í fimm ár frá samþykkt hluthafafundar. Hluthafar hafa fallið frá
forgangsrétti til nýrra hluta í útgáfu samkvæmt þessari grein. Stjórn félagsins
ákveður nánari útfærslu á ákvæði þessu. 

2.Endurnýja heimild til stjórnar að kaupa eigin hlutabréf 
Stjórn félagsins gerir að tillögu sinni að breyta grein 2.01.3 í samþykktunum
sbr. eftirfarandi: 

Stjórn félagsins hefur heimild hluthafafundar til að kaupa eigin hlutabréf,
sbr. 55. gr. laga um hlutafélög nr. 2/1995. Hámarksfjöldi keyptra hluta skal
vera allt að 10% af hlutafé félagsins. Kaupverð skal vera að lágmarki nafnverð
hlutabréfanna og að hámarki 10% yfir markaðsverði bréfanna hverju sinni.
Heimildin gildir til næsta aðalfundar félagsins. 

3.Veita stjórn heimild til hækkunar á hlutafé
Stjórn félagsins gerir að tillögu sinni að breyta grein 2.01.4 í samþykktunum
sbr. eftirfarandi: 

Stjórn félagsins er heimilt að hækka hlutafé félagsins að verðmæti allt að kr. 
1.500.000.000 að nafnverði með útgáfu nýrra hluta. Stjórn félagsins ákveður
gengi og útfærslu á greiðsluskilmálum. Heimildin gildir til næsta aðalfundar
félagsins. 

Stjórn félagsins gerir einnig að tillögu sinni að fá heimild til að breyta
grein 2.01.1 í samþykktunum til samræmis við ofangreinda hækkun á hlutafé. 

4.Boða skal fjölmiðla á aðalfund
Stjórn félagsins gerir að tillögu sinni að bæta við grein 4.05.2 í samþykktunum
sbr. lagabreytingu 2. mgr. 88. gr. laga um hlutafélög nr. 2/1995 sem kveður á
um eftirfarandi: 

Ætíð skal boða stjórnarmenn, framkvæmdastjóra og endurskoðendur félagsins á
hluthafafund, svo og fulltrúa fjölmiðla á aðalfund. 
Eftirfarandi tillaga um starfskjarastefnu var samþykkt: 
Stjórn 365 hf. leggur til að engar breytingar verði gerðar á starfskjarastefnu
félagsins, sem samþykkt var á aðalfundi 20. mars 2007. 

Eftirtaldir voru sjálfkjörnir í stjórn félagsins til eins árs:  

Árni Hauksson, Garðabæ
Jón Ásgeir Jóhannesson, Reykjavík
Magnús Ármann, Reykjavík
Pálmi Haraldsson, Reykjavík
Þorsteinn M. Jónsson, Reykjavík

Til vara: 
Matthías Imsland, Reykjavík 
Soffía Lárusdóttir, Mosfellsbæ

Eftirfarandi tillaga um endurskoðanda fyrir næsta reikningsár var samþykkt: 
Stjórn 365 hf. leggur til að KPMG Endurskoðun hf. verði kjörið
endurskoðunarfélag 365 hf. 

Eftirfarandi tillaga um laun stjórnarmanna til eins árs var samþykkt: 
Stjórn 365 hf. leggur til að laun stjórnarmanna verði óbreytt frá síðasta
starfsári. Þóknun fyrir næsta starfsár verði kr. 100.000 á mánuði og tvöfalt
hærri fyrir stjórnarformann. Varamenn í stjórn fá kr. 50.000 fyrir hvern fund
sem þeir sitja, en þó að hámarki greiddar kr. 1.200.000 á ári. 



Nánari upplýsinar veitir Ari Edwald forstjóri 365 hf.