FÍ Fasteignafélag slhf. - Fyrirtækjafréttir

FÍ Fasteignafélag hefur birt viðauka við útgáfulýsingu skuldabréfa

FÍ Fasteignafélag slhf. hefur birt viðauka við útgáfulýsingu skuldabréfa, FIF
13 01, sem skráð eru á skipulegan verðbréfamarkað, NASDAQ OMX Iceland hf. 

Í orðalagi skilgreininga í kafla 2.2. „Auðkenni útgáfunnar, nafnverð svo og
önnur skilyrði sem varða útgáfuna og skuldbinda útgefanda“, í öðrum kafla
útgáfulýsingarinnar sem nefnist „Upplýsingar um útgáfuna“ kemur fram að
grunnvísitala skuldabréfanna er vísitala neysluverðs til verðtryggingar (VNV)
þann 20. júlí. Vísitalan þann 20. júlí var 412,6933, en í útgáfulýsingunni var
misritað 414,6933. Því gerir útgefandi eftirfarandi breytingu á
útgáfulýsingunni: 



Skilgreiningunni „Verðtrygging og grunnvísitala“ er breytt þannig að
tölugildinu er breytt úr „414,6933“ í „412,6933“. Hljóðar því skilgreiningin
svo eftir breytingu: 



Verðtrygging og  Skuldabréfin eru bundin við vísitölu neysluverðs til           
 grunnvísitala:   verðtryggingar (VNV). Grunnvísitala skuldabréfanna er VNV þann
                  20. júlí, 412,6933.                                           





Útgáfulýsingin, dagsett 23. júlí 2013, og viðaukar við hana, dagsettir 29.
ágúst, 12. september og 27. september eru gefnir út á íslensku og birtir á
vefsíðu FÍ, fifasteignir.is. 

Skjölin má nálgast á pappírsformi hjá útgefanda, FÍ Fasteignafélagi,
Katrínartúni 2, 105 Reykjavík næstu 12 mánuði frá 27. september 2013.