Snæfellsbær - Ársreikningur

Ársuppgjör Snæfellsbæjar fyrir árið 2011

Mánudaginn 30. apríl 2012 var ársreikningur Snæfellsbæjar 2010 afgreiddur í
bæjarráð til fyrri umræðu í bæjarstjórn.  Eins og sveitarstjórnarlög kveða á
um, skal fjalla um ársreikninginn á tveimur fundum í sveitarstjórn. Fyrrii
umræða um ársreikningurinn verður miðvikudaginn 2. maí n.k. og síðari umræða
fimmtudaginn 10. maí n.k. 

Í reglugerð nr. 944/2000, um bókhald og ársreikninga sveitarfélaga, sem tók
gildi 1. janúar 2001, eru ákvæði um reikningsskil sveitarfélaga. Þar er gert
ráð fyrir að sveitarfélög hagi bókhaldi sínu og reikningsskilum í samræmi við
ákvæði laga um bókhald nr. 145/1994 og ársreikninga nr. 144/1994 að svo miklu
leyti sem sveitarstjórnarlög mæla ekki fyrir á annan veg eða reglugerðir settar
á grundvelli þeirra.  Ársreikningar sveitarfélaga skulu byggðir á almennum
reikningsskilaaðferðum. 

Ársreikningur Snæfellsbæjar fyrir árið 2011 byggir á sömu
reikningsskila­aðferðum og árið áður í samræmi við framangreind lög og reglur. 

Rekstrartekjur sveitarfélagsins á árinu námu um 1.850  millj. króna samkvæmt
samanteknum rekstrarreikningi fyrir A- og B-hluta en fjárhagsáætlun gerði ráð
fyrir rekstrartekjum um 1.596 millj. króna. Rekstrartekjur A- hluta námu um
1.480 millj. króna en fjárhagsáætlun gerði ráð fyrir rekstrartekjum um 1.279
millj. króna. 

Rekstrarniðurstaða sveitarfélagsins samkvæmt samanteknum rekstrarreikningi A-
og B-hluta var rekstrarafgangur að fjárhæð um 216 millj. króna en samkvæmt
fjárhagsáætlun var gert ráð fyrir 124 millj. króna afkomu. Afkoman varð því
töluvert betri en áætlun gerði ráð fyrir, eða sem nemur 92 millj. króna. 
Rekstrarniðurstaða A-hluta var rekstrarafgangur að fjárhæð 174 millj. króna en
fjárhagsáætlun gerði ráð fyrir um 128 millj. króna afkomu. Afkoman varð því
betri sem nemur 46 millj. króna.  Ástæða þessa er að mestu leyti hærri
skatttekjur en áætlun ársins 2011 gerði ráð fyrir, enda þótti rétt að hafa
allar tekjuáætlanir varfærnar. Á móti kemur að við gerð fjárhagsáætlunar voru
samningar opinberra starfsmanna lausir og niðurstaða er sú að launakostnaður
hækkaði mun meira en áætlun gerði ráð fyrir. Ennfremur hefur yfirfærsla málefna
fatlaðra áhrif á reikningsskilin. 

Veltufé frá rekstri var 395 millj. króna og veltufjárhlutfall er 1,38. 
Handbært frá rekstri var 401 milljónir. 

Heildareignir bæjarsjóðs námu um 2.870 millj. króna og heildareignir
sveitarfélagsins í samanteknum ársreikningi um 3.679 millj. króna í árslok
2011. Heildarskuldir bæjarsjóðs námu um 1.352 millj. króna og í samanteknum
ársreikningi um 1.776 millj. króna, og lækkuðu þar með milli ára um 40
milljónir. 

Fjárfestingarhreyfingar voru 273 milljónir og fjármögnunarhreyfingar 111
milljónir. Snæfellsbær fjárfesti á árinu fyrir 232 milljónir í varanlegum
rekstrarfjármunum og engin ný lán voru tekin en greiddi niður lán að fjárhæð
193 milljónir. 

Hlutfall skulda og skuldbindinga A- og B-hluta er 104,55% af reglulegum tekjum.

Álagningarhlutfall útsvars var 14,48 %. Álagningahlutfall fasteignaskatts nam
0,44% á íbúðarhúsnæði og álagningarhlutfall á aðrar fasteignir nam 1,55%. 

Hægt verður að nálgast ásreikninginn á bæjarskrifstofunni Klettsbúð 4,
Hellissandi, sími 433-6900. Einnig á heimasíðu Snæfellsbæjar, www.snb.is.

Attachments:

Lykiltolur - Snfellsbr ar 2011.xls

Snfellsbr arsreikningur 2011.pdf