Lýsing hf. - Aðrar upplýsingar sem birtar eru í samræmi við reglur Kauphallarinnar

Lýsing hf: Útboð á skuldabréfum 9. mars 2017

Lýsing hf. efnir til útboðs á skuldabréfum fimmtudaginn 9. mars næstkomandi.
Boðin verða til sölu skuldabréf í flokknum LYSING 16 1 sem er veðtryggður
skuldabréfaflokkur með veði í útlánum og fjármögnunarsamningum Lýsingar. Bréfið
er 7 ára jafngreiðslubréf með 12 gjalddögum á ári og fljótandi vöxtum tengdum
við 1M REIBOR að viðbættu 110 punkta álagi. Áður útgefin skuldabréf í flokknum
eru 2.000.000.000 kr. að nafnvirði og búið er að skrá bréfin í kauphöll.

Markaðsviðskipti Arctica Finance hf. hefur umsjón með útboðinu. Útboðið verður
með hollenskri aðferð, þ.e. öll samþykkt tilboð bjóðast fjárfestum á hæstu
ávöxtunarkröfu sem tekið er í flokknum. Félagið áskilur sér rétt til þess að
taka hvaða tilboði sem er eða hafna þeim öllum.

Útboðið er lokað og undanþegið gerð lýsingar, sbr. 1. mgr., 1. tl. a og b, 50.
greinar laga nr. 108/2007 um verðbréfaviðskipti. Grunnlýsing, endanlegir
skilmálar og önnur skjöl er varða útgáfu framangreindra skuldabréfaflokka eru
birt á vefsíðu félagsins, www.lysing.is/lysing/starfsemin/fjarfestatengsl/.

Nánari upplýsingar veita:

Daði Kristjánsson, Markaðsviðskiptum Arctica Finance hf., dadi@arctica.is, s:840
4145
Arnar Geir Sæmundsson, Markaðsviðskiptum Arctica Finance hf., arnar@arctica.is,
s:896 6566
Sighvatur Sigfússon, fjármálastjóri Lýsingar hf., sighvatur@lysing.is, s:540
1700


[]