Skeljungur hf. - Viðskipti félags með eigin bréf

Skeljungur: Ákvörðun um framkvæmd endurkaupaáætlunar

Stjórn Skeljungs hefur á grundvelli samþykktar hluthafafundar félagsins þann 2.
nóvember 2017 tekið ákvörðun um framkvæmd endurkaupaáætlunar um kaup á eigin
bréfum. Heimild er til kaupa á 10% hlutafé, eða allt að 215.203.185 hlutum, en
fjárhæð endurkaupanna mun þó aldrei verða meiri en 700 milljónir króna, að
markaðsvirði. Framkvæmd áætlunarinnar hefst miðvikudaginn 8. nóvember og mun
áætlunin vera í gildi fram að aðalfundi félagsins 2018, nema skilyrði um
hámarkskaup verði uppfyllt fyrir þann tíma.

Verð fyrir hvern hlut skal að hámarki vera hæsta verð í síðustu óháðu viðskiptum
eða  hæsta fyrirliggjandi  óháða kauptilboð  í viðskiptakerfi  Nasdaq á Íslandi,
hvort  sem er hærra. Hámarksmagn hvers viðskiptadags er 4.996.200 hlutir sem var
fjórðungur af meðaltali daglegra viðskipta með hlutabréf félagsins á aðalmarkaði
í október 2017.

Endurkaupaáætlun  verður  framkvæmd  af  verðbréfamiðlun  Íslandsbanka sem tekur
allar  viðskiptaákvarðanir er varða kaup á hlutum og tímasetningu kaupanna, óháð
félaginu.   Framkvæmd  endurkaupaáætlunarinnar  verður  í  samræmi  við  lög  um
hlutafélög  nr.  2/1995 og  viðauka  við  reglugerð  um  innherjaupplýsingar  og
markaðssvik   nr.   630/2005. Viðskipti   með   eigin   hluti   í   samræmi  við
endurkaupaáætlunina  verða tilkynnt eigi síðar  en við lok sjöunda viðskiptadags
eftir að viðskiptin fara fram.



Nánari  upplýsingar  veitir  Benedikt  Ólafsson, framkvæmdastjóri fjármálasviðs,
fjarfestar@skeljungur.is, 840-3071.




[]