2016-02-18 21:24:29 CET
2016-02-18 21:24:29 CET
REGULATED INFORMATION
Sjóvá-Almennar tryggingar hf - Ársreikningur
Sjóvá-Almennar tryggingar hf. - Ársuppgjör 2015
Samstæðureikningur Sjóvár fyrir árið 2015 var samþykktur af stjórn og forstjóra
á stjórnarfundi þann 18. febrúar 2016.
Hermann Björnsson, forstjóri:
„Afkoma Sjóvár er góð og helgast það af mjög góðum árangri af
fjárfestingarstarfsemi, sem var töluvert betri en alla jafna má vænta. Afkoma
skaðatrygginga olli vonbrigðum en mikill munur var á afkomu einstakra greina.
Í uppgjöri ársins 2015 voru óefnislegar eignir í viðskiptasamböndum og
hugbúnaði sem keyptar voru við stofnun félagsins afskrifaðar að fullu um 3.830
m.kr. Afskriftin hefur engin áhrif á lykilstærðir, rekstraráætlanir,
styrkleikamælikvarða eða ákvarðanir um arðgreiðslur. Gjaldþol félagsins er
sterkt og hefur afskrift óefnislegra eigna ekki áhrif þar á.
Sé litið til ökutækjatrygginga þá hefur afkoma þeirra farið versnandi.
Landsmenn aka meira með lækkandi bensínverði og auknum kaupmætti sem aftur
hefur leitt til aukinnar tjónatíðni. Samkvæmt upplýsingum Vegagerðarinnar jókst
umferðin um 6,2% prósent árið 2015 sem er mesta aukning sem verið hefur síðustu
ár. Þessi aukning hefur því miður leitt til mikillar fjölgunar tjóna og
alvarlegra slysa í umferðinni.
Staða Sjóvár er sterk og félagið vel í stakk búið til að sinna því hlutverki að
bæta tjón viðskiptavina og mæta þeim sveiflum sem óhjákvæmilega verða, hvort
sem litið er til veðurfars eða stærri tjónsatburða. Af þeim sökum kann afkoma
félagsins að sveiflast á stuttum tímabilum en er jafnari yfir lengra tímabil.“
Fjárfestingar
Ávöxtun eignasafna félagsins nam 3,7% á ársfjórðungnum og 15,6% á árinu 2015.
Mestri ávöxtun skiluðu hlutabréf, 12,9% á fjórðungnum og 53,3% á árinu. Helsta
breyting á fjárfestingarsafni félagsins á árinu var að félagið bætti við eign
sína í hlutabréfum og jók hlutfall þeirra á kostnað skuldabréfa.
Breytt reikningsskilaaðferð í samræmi við Solvency II
Vegna breyttrar reikningsskilaaðferðar lækkaði vátryggingaskuld í ársbyrjun
2014 um 2.709 m.kr. og eigið fé hækkaði um 2.167 m.kr.
Tillaga um arð
Gerð er tillaga um arð sem nemur 2 kr. á hlut eða um 3.100 m.kr.
Horfur
Gert er ráð fyrir að samsett hlutfall verði á bilinu 98-100% fyrir árið 2016 og
að hagnaður fyrir skatta verði á bilinu 2.000 til 2.500 m.kr.
Helstu niðurstöður og lykiltölur fjórða ársfjórðungs og ársins 2015
4F 4F % 2015 2014 %
2015 2014
--------------------------------------------------------------------------------
Iðgjöld tímabilsins 3.490 3.464 0,8% 14.076 13.605 3,5%
Eigin iðgjöld 3.263 3.262 0,0% 13.317 12.826 3,8%
Fjárfestingatekjur 1.207 566 4.623 1.297
--------------------------------------------------------------------------------
--------------------------------------------------------------------------------
Heildartekjur 4.477 3.829 16,9% 17.992 14.148 27,2%
Tjón tímabilsins -3.382 -2.236 51,3% -11.239 -9.354 20,2%
Eigin tjón -2.898 -2.211 31,1% -10.596 -8.932 18,6%
Rekstrarkostnaður -871 -777 12,1% -3.462 -3.485 -0,7%
Afskrift óefnislegra eigna -3.485 -114 -3.830 -472
--------------------------------------------------------------------------------
--------------------------------------------------------------------------------
Heildargjöld -7.254 -3.080 135,5% -17.888 -12.889 38,8%
Hagnaður/Tap fyrir skatta -2.776 749 105 1.259
Hagnaður/Tap eftir skatta -2.016 640 657 1.055
--------------------------------------------------------------------------------
Hagn. f. skatt og afskr. 709 869 3.834 1.675
óefnisl. eigna
Afkoma af vátryggingastarfsemi -385 472 191 1.342
Afkoma af fjárfestingastarfsemi 1.094 397 3.643 333
Tjónahlutfall 96,9% 64,5% 79,8% 68,8%
Endurtryggingahlutfall -7,5% 4,5% 0,4% 2,4%
Kostnaðarhlutfall 25,8% 23,3% 23,6% 24,8%
--------------------------------------------------------------------------------
--------------------------------------------------------------------------------
Samsett hlutfall 115,2% 92,3% 103,9% 96,0%
Ávöxtun eigin fjár -23,2% 14,5% 3,9% 5,9%
Leiðrétt ávöxtun eigin fjár 15,8% 20,4% 19,9% 14,5%
Tap/Hagnaður á hlut -1,29 0,39 0,42 0,66
Efnahagstölur
--------------------------------------------------------------------------------
--------------------------------------------------------------------------------
Eigið fé 16.291 20.003
Fjárfestingaeignir á 30.464 30.826
söfnunartr.
Eiginfjárhlutfall 39,3% 45,2%
Gjaldþolshlutfall móðurfélags 5,63 4,27
SCR fyrir arðgreiðslu 1,86 1,88
Áætlað SCR eftir arðgreiðslu 1,57 1,32
Fjárhæðir eru í milljónum króna
Kynningarfundur 19. febrúar kl. 8:30
Sjóvá býður til opins kynningarfundar um afkomu félagsins á fjórða ársfjórðungi
og árinu 2015 föstudaginn 19. febrúar kl. 8:30 í fundarsal félagsins í
Kringlunni 5, 6. hæð. Hermann Björnsson forstjóri mun kynna uppgjörið og svara
spurningum. Hægt er að fylgjast með beinni útsendingu frá fundinum á
vefslóðinni www.sjova.is/afkomukynningar
Aðalfundur 11. mars kl. 15:00
Aðalfundur Sjóvár verður haldinn föstudaginn 11. mars kl. 15:00 á Hilton
Reykjavík Nordica, Suðurlandsbraut 2.
Nánari upplýsingar
Allar nánari upplýsingar veitir Þórður Pálsson í síma 440-2000 eða
fjarfestar@sjova.is
© 2024 Nasdaq, Inc. All Rights Reserved |