Íslandsbanki hf. - Fyrirtækjafréttir

Islandsbanki hf. : Stækkun á erlendri skuldabréfaútgáfu

Íslandsbanki hefur stækkað skuldabréfaútgáfu sína að fjárhæð 150 m. sænskra
króna á gjalddaga 13. febrúar 2019.

Heildarstærð flokksins verður nú 450 m. sænskar krónur. Skuldabréfið sem er til
fjögurra ára ber fljótandi vexti, 310 punkta ofan á þriggja mánaða Stibor en
viðbótarútgáfan var seld á verðinu 100,48. Kaupendur voru fjárfestar frá
Skandinavíu og meginlandi Evrópu. Skuldabréfið er skráð í Kauphöllina á Írlandi.

Útgáfan er gefin út undir Global Medium Term Notes (GMTN) útgáfuramma bankans.
Grunnlýsingu GMTN rammans ásamt viðaukum má finna á vefsíðu fjárfestatengsla
https://www.islandsbanki.is/um-islandsbanka/fjarfestatengsl/

Umsjónaraðili útboðsins var Pareto Securities AB í Stokkhólmi.

Nánari upplýsingar veita:

  * Fjárfestatengill - Guðbjörg Birna Björnsdóttir, ir@islandsbanki.is og í síma
    440 4752.
  * Upplýsingafulltrúi - Guðný Helga Herbertsdóttir, pr@islandsbanki.is og í
    síma 440 3678.




[HUG#1911541]