Hagar hf. - Niðurstöður hluthafafundar

Hagar hf.: Niðurstöður aðalfundar Haga hf. 1. júní 2023

Meðfylgjandi má sjá niðurstöður aðalfundar Haga hf. sem haldinn var á Hilton Reykjavík Nordica þann 1. júní 2023. Fundurinn hófst kl. 15:00. Tillögur fundarins voru samþykktar svohljóðandi:

1. Ársreikningur (dagskrárliður 2)

Ársreikningur félagsins fyrir liðið starfsár, ásamt skýrslu endurskoðanda, var lagður fram og samþykktur samhljóða.

2. Ráðstöfun hagnaðar (dagskrárliður 3)

Tillaga stjórnar Haga hf. um greiðslu arðs sem nemur 50,0% hagnaðar ársins, eða 2,24 krónur á hlut útistandandi hlutafjár, samtals 2.475 milljónir króna, var samþykkt samhljóða. Arðsréttindadagur verður 5. júní 2023, arðleysisdagur 2. júní 2023 og arðgreiðsludagur 13. júní 2023.

3. Tillaga um lækkun hlutafjár og breytingar á samþykktum (dagskrárliður 4)

Tillaga stjórnar Haga hf. um lækkun hlutafjár til ógildingar á eigin hlutum að nafnverði kr. 26.247.219 var samþykkt samhljóða. Felur það í sér breytingu á grein 2.1 í samþykktum félagsins þar sem hlutafé félagsins verður lækkað úr kr. 1.132.676.082 að nafnverði í kr. 1.106.428.863 að nafnverði. Þá var einnig samþykkt tillaga stjórnar um breytingu á 2. lið í grein 3.18 í samþykktum félagsins, þar sem fram kemur nú að bæði ársreikningur og samstæðureikningur félagsins verði lagðir fram til samþykktar.

4. Þóknun til stjórnarmanna og undirnefnda (dagskrárliður 5)

Tillaga stjórnar Haga hf. um 5% hækkun stjórnarlauna var samþykkt, þ.e. stjórnarformaður fær greitt kr. 772.000,- á mánuði, varaformaður kr. 568.000,- á mánuði og stjórnarmenn kr. 386.000,- á mánuði. Samþykkt var að laun í undirnefndum stjórnar verði óbreytt, eða kr. 90.000,- á mánuði og að laun formanns verði tvöföld upphæð. Þá var samþykkt að nefndarmönnum tilnefningarnefndar verði greitt skv. reikningi 25 þús. kr. pr./klst.

5. Starfskjarastefna (dagskrárliður 6)

Fyrir fundinum lá tillaga stjórnar að óbreyttri starfskjarastefnu félagsins, ásamt skýrslu starfskjaranefndar fyrir nýliðið starfsár. Var tillaga stjórnar samþykkt.

6. Breyting á starfsreglum tilnefningarnefndar (dagskrárliður 7)

Tillaga stjórnar að breytingu á grein 2.3 og 2.4 í starfsreglum tilnefningarnefndar var samþykkt.

7. Kosning tilnefningarnefndar (dagskrárliður 8)

Samþykkt var samhljóða tillaga stjórnar Haga að þrír eftirtaldir fulltrúar verðir kjörnir í tilnefningarnefnd félagsins.

• Björg Sigurðardóttir, endurskoðandi
• Björn Ágúst Björnsson, verkfræðingur
• Kristjana Milla Snorradóttir, mannauðsstjóri

8. Kosning stjórnar og endurskoðanda (dagskrárliður 9)

Eftirtaldir aðilar voru kosnir í stjórn félagsins til næsta aðalfundar:

• Davíð Harðarson, f. 1976
• Eiríkur S. Jóhannsson, f. 1968
• Eva Bryndís Helgadóttir, f. 1972
• Jensína Kristín Böðvarsdóttir, f. 1969
• Sigríður Olgeirsdóttir, f. 1960

Fimm voru í framboði til stjórnar félagsins og var því sjálfkjörið. Allir frambjóðendur skipuðu áður stjórn félagsins.

Samþykkt var samhljóða að endurskoðunarskrifstofan PricewaterhouseCoopers ehf., kt. 690681-0139, verði endurskoðandi félagsins fyrir komandi rekstrarár.

9. Ákvörðun um heimild stjórnar til kaupa á eigin bréfum (dagskrárliður 10)

Fyrir aðalfundi lá tillaga frá stjórn Haga hf. um að félaginu verði heimilt að kaupa á næstu 18 mánuðum allt að 10% af heildarhlutafé félagsins, í þeim tilgangi að koma á viðskiptavakt með hluti í félaginu í skilningi laga um markaði fyrir fjármálagerninga eða vegna endurkaupaáætlana eða verðjöfnunar í skilningi reglugerðar Evrópuþingsins og ráðsins (ESB) nr. 596/2014, um markaðssvik, sbr. lög um aðgerðir gegn markaðssvikum. Tillagan var samþykkt samhljóða.