2017-12-15 19:28:38 CET

2017-12-15 19:29:38 CET


REGULATED INFORMATION

Islandic
Vátryggingafélag Íslands hf. - Innherjaupplýsingar

VÍS: Breyting á flokkun fjárfestingaeigna


Í kjölfar heildarendurskoðunar á fjárfestingastefnu VÍS fyrir árið 2018, sem samþykkt var á stjórnarfundi félagsins þann 15. desember 2017, var sú ákvörðun tekin að færa allar fjáreignir félagsins sem skráðar eru á skipulegan verðbréfamarkað á gangvirði.

Þetta hefur í för með sér að skráð ríkistryggð verðbréf sem hafa verið flokkuð sem fjáreignir haldið til gjalddaga verða hér eftir færð sem fjáreignir á gangvirði. Í níu mánaða uppgjöri VÍS árið 2017 var bókfært virði þeirra 4.373,4 millj. kr. en markaðsvirði þessara eigna var áætlað 4.623,5 millj. kr. á sama tíma. Gangvirðisbreytingar verða færðar undir liðnum önnur heildarafkoma í rekstrarreikningi og yfirliti um heildarafkomu. Þessi breyting hefur því ekki áhrif á hagnað ársins. Af gangvirðisbreytingunni reiknast 20% tekjuskattur.

 Nánari upplýsingar veitir Andri Ólafsson samskiptastjóri VÍS í síma 660-5105