|
|||
![]() |
|||
2008-03-31 17:53:38 CEST 2008-03-31 17:54:37 CEST REGLERAD INFORMATION Össur hf. - FyrirtækjafréttirÖssur hf. selur sáraumbúðavörulínu félagsinsOssur hf. (OMX: OSSR) hefur í dag selt sáraumbúðavörulínu félagsins til BSN medical GmbH, sem er leiðandi á sviði sáraumbúða. Salan mun styrkja áherslur Össurar á lykilstarfsemi félagsins. Andvirði sölunnar nemur 11 milljónum Bandaríkjadala. Samkvæmt ákvæðum í samningi getur andvirði sölunnar hækkað um allt að 6 milljónir Bandaríkjadala að uppfylltum ákveðnum skilyrðum. Össur hefur átt í málaferlum vegna einkaleyfa fyrir þessa vörulínu og mun Össur reka málin áfram. Hluti af söluandvirðinu verður notaður til þess að koma á móti kostnaði vegna málaferlanna. Bókfærðar tekjur af sölunni, um 5,5 milljónir Bandaríkjadala, verða færðar sem aðrar tekjur á fyrsta fjórðungi 2008. Um Össur: Össur hf. (OMX: OSSR) er alþjóðlegt fyrirtæki á sviði stoð-og stuðningstækja sem hjálpar fólki að lifa lífinu án takmarkana. Fyrirtækið leggur áherslu á að auka hreyfigetu fólks með nýsköpun í tækni á sviði spelkna- og stuðningsvara, gervilima og vörum til nota við blóðrásarmeðferðir. Össur hf. leggur mikla áherslu á fjárfestingu í rannsókn og vöruþróun sem viðheldur sterkri stöðu Össurar á markaðnum. Össur leggur metnað sinn í að veita viðskiptavinum og notendum góða þjónustu til þess að þeir nái sem bestum árangur. Höfuðstöðvar félagsins eru á Íslandi og helstu starfsstöðvar eru í Ameríku, Evrópu og Asíu, auk dreifiaðila víðsvegar um heim. Um BSN medical: BSN medical er alþjóðlegt fyrirtæki sem er leiðandi á heilbrigðismarkaði og sérhæfir sig í spelkum og stuðningsvörum, sáraumbúðum og vörum til nota við blóðrásarmeðferðir. BSN leggur áherslu þróun á framúrskarandi hágæðavörum fyrir notendur og þjónustuaðila. BSN medical var stofnað 2001 í kjölfar samstarfs Beiersdorf og Smith & Nephew. Frá árinu 2006 hefur BSN verið að sjálfstætt fyrirtæki á markaði fyrir sáraumbúðir, stuðningsvörur og vörur til nota við blóðrásarmeðferðir. Félagið var keypt árið 2006 af Montagu Private Equity, leiðandi evrópsktu fjárfestingafyrirtæki sem var stofnað 1968. BSN er með höfuðstöðvar í Þýskalandi en helstu starfsstöðvar félagsins eru í Evrópu, Ameríku og Asíu auk þess að vera með samstarfs- og dreifisamninga á öðrum svæðum. |
|||
|