|
|||
2012-04-24 16:05:59 CEST 2012-04-24 16:06:57 CEST REGULATED INFORMATION Össur hf. - ÁrsreikningurÖssur - Fyrsti ársfjórðungur 2012GÓÐUR SÖLUVÖXTUR Sala - Söluvöxtur var góður eða 5%, mælt í staðbundinni mynt. Heildarsalan nam 100 milljónum Bandaríkjadala samanborið við 97 milljónir dala á fyrsta ársfjórðungi 2011. Öll landsvæði og vörumarkaðir sýndu vöxt. Sala á spelkum og stuðningsvörum var hæg með 2% söluvöxt, mælt í staðbundinni mynt. Söluvöxtur í stoðtækjum var góður eða 7%, mælt í staðbundinni mynt. Arðsemi - Hagnaður nam 10 milljónum dala eða 10% af sölu, sem er aukning um 22% samanborið við fyrsta ársfjórðung 2011. EBITDA nam 18 milljónum Bandaríkjadala eða 18% af sölu og framlegð nam 62 milljónum dala eða 62% af sölu. Jón Sigurðsson, forstjóri:"Söluvöxtur á fyrsta ársfjórðungi var góður og í takt við áætlun okkar fyrir árið í heild. Eins og á undanförnum ársfjórðungum þá uxu öll landsvæði og vörumarkaðir, þar sem Evrópa sýndi sérstaklega góðan árangur. Einn stærsti áfangi okkar á síðasta ári var kynningin á SYMBIONIC LEG, enn einni viðbótinni við Bionic vörulínuna okkar. Varan hefur fengið mjög góðar viðtökur á fyrsta ársfjórðungi og höfum við fengið góð viðbrögð frá notendum." Vörur - Nýsköpun er einn af lykilþáttunum í vexti félagsins. Á fjórðungnum voru átta nýjar vörur og vörunýjungar kynntar. Á meðal þeirra var ný útgáfa af Proprio Foot sem býður upp á breiðara úrval af stærðum og er einnig með hærri þyngdartakmörk, sem stækkar þann hóp sem getur nýtt sér þessa mikilvægu vöru. Áætlun 2012 - Fyrri áætlun fyrir árið 2012 er óbreytt. Stjórnendur gera ráð fyrir innri söluvexti á bilinu 4-6%, mælt í staðbundinni mynt, og að EBITDA, leiðrétt fyrir einskiptistekjum og -kostnaði, verði á bilinu 20-21% af veltu fyrir árið í heild. Símafundur á morgun, miðvikudaginn 25. apríl, kl. 10:00 Á morgun, miðvikudaginn 25. apríl, verður haldinn símafundur þar sem farið verður yfir niðurstöður ársfjórðungsins. Fundurinn hefst kl. 10:00 GMT / 12:00 CET. Á fundinum munu þeir Jón Sigurðsson, forstjóri, og Hjörleifur Pálsson, fjármálastjóri, kynna afkomu félagsins og svara spurningum. Fundurinn fer fram á ensku og verður hægt að fylgjast með honum á netinu á slóðinni www.ossur.com/investors Símanúmer til að taka þátt í fundinum eru: Evrópa: + 44 (0) 20 3043 2436 eða +46(0)8 505 598 53 Bandaríkin: +1 866 458 40 87 Ísland: 800 8660 Nánari upplýsingar: Jón Sigurðsson, forstjóri sími: 515-1300 Hjörleifur Pálsson, fjármálastjóri sími: 515-1300 Sigurborg Arnarsdóttir, fjárfestatengill sími: 664-1044 Vinsamlega athugið að þetta yfirlit nær aðeins yfir helstu þætti uppgjörsins. Tilkynningu í fullri lengd á ensku er að finna á www.ossur.com/investors [HUG#1605502] |
|||
|