|
|||
![]() |
|||
2008-03-03 16:53:49 CET 2008-03-03 16:54:49 CET REGULATED INFORMATION Tryggingamiðstöðin hf. - Niðurstöður hluthafafundar- Niðurstöður aðalfundar 3. mars 2008.Á aðalfundi Tryggingamiðstöðvarinnar hf., sem haldinn var 3. mars 2008, voru eftirfarandi tillögur samþykktar: 1. Ráðstöfun tekjuafgangs félagsins, þ.m.t. greiðslu arðs: “Aðalfundur Tryggingamiðstöðvarinnar hf., haldinn 3. mars 2008, samþykkir að greiddur verði arður til hluthafa að fjárhæð kr. 2.100.000.000 (tveir milljarðar og eitthundrað milljónir króna), sem svarar til um 1,94 krónum á hvern hlut. Arðleysisdagur verður 4. mar og arðsréttindadagur 6. mars. Útborgunardagur arðs verður 7. mars 2008.” 2. Starfskjarastefna félagsins, sbr. 79. gr. a hlutafélagalaga: “1. Tilgangur. Starfskjarastefna Tryggingamiðstöðvarinnar hf. miðar að því að Tryggingamiðstöðin, ásamt dótturfélögum, sé samkeppnishæf og geti ráðið til sín framúrskarandi starfsfólk í þeim tilgangi að tryggja áframhaldandi vöxt og velgengni félagsins. Í því skyni ber að hlúa vel að kjörum stjórnenda félagsins þannig félagið fái notið starfskrafta þeirra sem allra best. Starfskjarastefnan nær til helstu grundvallaratriða í starfs- og launakjörum forstjóra og stjórnenda félagsins. Stefnan er liður í að gæta langtímahagsmuna eigenda félagsins, starfsfólks og annarra hagsmunaaðila með skipulegum, einföldum og gegnsæum hætti. 2. Starfskjör stjórnarmanna. Þóknun til stjórnarmanna fyrir komandi starfsár skal ákveðin á aðalfundi ár hvert og skal þóknunin taka mið af þeim tíma sem stjórnarmenn verja til starfans, þeirri ábyrgð sem á þeim hvílir og afkomu félagsins. 3. Starfskjör forstjóra. Starfskjör forstjóra skulu ítarlega tilgreind í skriflegum ráðningarsamningi, þar á meðal föst laun, árangurstengdar greiðslur, kaupréttur, lífeyrisréttindi, orlof, önnur hlunnindi og uppsagnarfrestur, svo og, eftir atvikum, eftirlaunaréttindi og greiðslur við starfslok. 4. Starfskjör stjórnenda. Starfskjör annarra æðstu stjórnenda félagsins, sem nánar skulu tilgreind í skriflegum ráðningarsamningum, skulu einnig taka mið af sjónarmiðum 3. gr. eftir því sem við á. 5. Endurskoðun starfskjarastefnu. Upplýsingagjöf. Starfskjarastefna félagsins skal tekin til endurskoðunar ár hvert og borin undir aðalfund félagsins til samþykktar eða synjunar. Á næsta aðalfundi ber stjórn að gera grein fyrir kjörum stjórnenda og stjórnarmanna félagsins auk þess að skýra frá framkvæmd starfskjarastefnunnar. Frávik frá starfskjarastefnunni skulu rökstudd sérstaklega í hverju tilviki og færð til bókar. Gera skal árlega grein fyrir launum og öðrum starfskjörum stjórnar og æðstu stjórnenda í ársskýrslu félagsins.” 3. Þóknun til stjórnar fyrir starfsárið 2008: “Aðalfundur Tryggingamiðstöðvarinmar hf., haldinn 3. mars 2008, samþykkir að þóknun stjórnarmanna verði með eftirfarandi hætti: Þóknun formanns verði 300.000 krónur á mánuði og annarra stjórnarmanna 150.000 krónur.” 4. Endurskoðendur félagsins. Samþykkt var tillaga um að endurskoðunarfélagið KPMG endurskoðun hf. yrði endurskoðandi félagsins starfsárið 2008. Stjórn félagsins. Í aðalstjórn félagsins fyrir næsta starfsár voru sjálfkjörnir: Árni Hauksson, kt. 250766-5569, Gunnar Karl Guðmundsson, 141259-2029, og Pétur Guðmundarson, 050550-2449. Að aðalfundi loknum kom nýkjörin stjórn saman til fundar og skipti með sér verkum. Gunnar Karl Guðmundsson var kjörinn formaður stjórnar, Árni Hauksson varaformaður og Pétur Guðmundarson meðstjórnandi. |
|||
|