Arion Bank hf. - Fyrirtækjafréttir

Arion banki greiðir niður skuldabréf um 27 milljarð króna

Þann 7. desember mun Arion banki greiða niður skuldabréf um 237.120.000
Bandaríkjadali, auk áfallinna vaxta, eða sem nemur um 27 milljarði íslenskra
króna. Skuldabréfið nam 747.481.000 Bandaríkjadölum (97 milljarðar kr.) þegar
það var gefið út í upphafi árs. Greiðslan kemur til viðbótar við greiðslu frá
því í maí að fjárhæð 252.697.000 Bandaríkjadala. Staða skuldabréfsins eftir
framangreindar greiðslur er 257.664.000 Bandaríkjadalir. Skuldabréfið er í eigu
Kaupþings og var útgáfa þess liður í aðgerðum sem snéru að afnámi
fjármagnshafta. 

Greiðslan er í samræmi við ákvæði skuldabréfsins sem kveða á um að Arion banki
skuli greiða inn á bréfið gefi bankinn út skuldabréf í erlendri mynt eins og
gert var þann 1. desember 2016 þegar Arion banki gaf út skuldabréf að upphæð
300 milljónir evra. 



Nánari upplýsingar veitir Haraldur Guðni Eiðsson, forstöðumaður samskiptasviðs
Arion banka, haraldur.eidsson@arionbankis, s: 856 7108.