|
|||
![]() |
|||
2013-05-29 18:40:13 CEST 2013-05-29 18:40:52 CEST REGULATED INFORMATION Fjarskipti hf. - ÁrsreikningurUppgjör Vodafone á 1. ársfjórðungi 2013Afkoma lítillega undir væntingum stjórnenda * Framlegð tímabilsins nam 1.286 m.kr. og lækkaði um 2,9% milli ára. * EBITDA nam 539 m.kr. og lækkaði um 22,6% milli ára, aðallega vegna lægri tekna af farsímaþjónustu og breyttra uppgjörsaðferða. * Mikill vöxtur í gagnaflutningstekjum. * Samdráttur í einkaneyslu birtist í minni fjarskiptanotkun einstaklinga. * Brugðist við auknum kostnaði og breytingar boðaðar á verðskrá Ómar Svavarsson, forstjóri:"Afkoman á tímabilinu skýrist í megindráttum af þremur þáttum. Í fyrsta lagi hafði samdráttur í einkaneyslu neikvæð áhrif á fjarskiptanotkun einstaklinga og í annan stað höfðu breytingar á uppgjörsaðferðum neikvæð áhrif á afkomu fjórðungsins, þar sem kostnaður færðist milli tímabila. Þriðji áhrifaþátturinn var aukinn rekstrarkostnaður, sem hækkaði nokkuð milli ára. Við erum ósátt við þá niðurstöðu og höfum þegar hafist handa við að vinda ofan af því. Þá eru ráðgerðar breytingar á verðskrá, sem munu taka gildi 1. júlí nk. Annars er sérlega ánægjulegt hve gagnaflutningstekjur hækka mikið milli ára og að sjónvarpstekjur haldi áfram að aukast. Þá hefur bæði notkun og sala snjalltækja aukist verulega, en með nýjum áskriftarleiðum fyrir farsíma höfum við komið til móts við breytta notkun og styrkt samkeppnisstöðu Vodafone. Góðar fréttir felast einnig í nýjum dreifisamningi við Ríkisútvarpið, sem ekki aðeins hefur jákvæð áhrif á rekstur félagsins heldur felst í honum mikilvæg viðurkenning á tæknilegri getu og samfélagslegu mikilvægi Vodafone. Þá væntum við þess að samdráttur í einkaneyslu sé tímabundinn og fögnum fréttum um að Væntingarvísitala Gallup hafi í byrjun maí verið hærri en undanfarin fimm ár. Áform stjórnvalda um breytingar á rekstrarumhverfi fyrirtækja senda líka jákvæð skilaboð inn í atvinnulífið." Frekari upplýsingar: Grétar Már Axelsson tekur á móti fyrirspurnum á netfanginu fjarfestatengsl@vodafone.is eða í síma 6699720. [HUG#1705641] |
|||
|