FAST-1 slhf. - Fyrirtækjafréttir

Yfirlýsing FAST-1 slhf. vegna útgáfu nýs flokks skuldabréfa

Eigendur skuldabréfa í flokknum FAST-1 12 1 hafa veitt félaginu heimild til að
gefa út nýjan flokk skuldabréfa, að nafnverði kr. 9.345.052.917, í tengslum við
kaup félagsins á HTO ehf., sbr. kaflann um sérstakar skuldbindingar.

Hin nýju skuldabréf skulu vera samhljóða skuldabréfaflokknum FAST-1 12 1.
Skuldabréfin verða að nafnverði samtals kr. 9.345.052.917, með 113 jöfnum
afborgunum, verðtryggð með grunnvísitölu 395,1 stig, fyrsta vaxtadag 15. mars
2014, og lokagjalddaga 15. júní 2042.

Skilmálar nýju skuldabréfanna skulu vera þeir sömu og skilmálar
skuldabréfaflokksins FAST-1 12 1, að öðru leyti en því að stefnt skal að því að
taka hann til viðskipta á Aðalmarkaði Nasdaq OMX Iceland hf innan 6 mánaða frá
útgáfu. Eigendur hinna nýju skuldabréfa skulu njóta sömu réttinda og eigendur
skuldabréfaflokks FAST-1 12 1 m.t.t. trygginga, afborgana, vaxta, verðbóta o.fl.

Frekari upplýsingar veitir Haukur Skúlason, stjórnarformaður FAST-1, s:
844 4778 og haukur@islandssjodir.is


[HUG#1769505]

Attachments:

Yfirlýsing FAST-1 slhf. vegna útgáfu nýs flokks skuldabréfa.pdf