Íbúðalánasjóður - Fyrirtækjafréttir

Tilkynning um aukaútdrátt húsbréfa til greiðslu 15. desember 2015

Íbúðalánasjóður hefur, samkvæmt lögum um húsnæðismál nr. 44/1998, með síðari
breytingum, heimild til aukaútdráttar húsbréfa. Þessi heimild er í samræmi við
heimild skuldara fasteignaveðbréfa til að greiða aukaafborganir af skuldabréfum
sínum eða að endurgreiða skuldina að fullu fyrir gjalddaga. Ákvæði þessa efnis
hafa verið í lögum um húsnæðismál allt frá setningu laga nr. 75/1989, sem komu
húsbréfakerfinu á fót. 

Á þessum grundvelli hefur Íbúðalánasjóður látið fara fram aukaútdrátt. Yfirlit
um hin útdregnu bréf verður að finna í Lögbirtingablaðinu 15. október n.k. Við
útdráttinn var farin sú leið að draga út húsbréf, flokk á móti flokki, á þann
veg að dregin hafa verið út húsbréf sem svara beint til uppgreiðslna
fasteignaveðbréfa sem skiptanleg voru fyrir húsbréf úr flokknum. Því er
fullkomið samræmi milli uppgreiðslna og útdráttar, eins og lögin gera ráð
fyrir. 

Gert er ráð fyrir að aukaútdráttum verði áfram beitt til að jafna sjóðsstreymi
Íbúðalánasjóðs vegna uppgreiðslna, í samræmi við tilvitnaðar lagaheimildir. 

Húsbréf úr eftirtöldum flokkum voru dregin út í þessum aukadrætti og koma til
greiðslu 15. desember 2015: 



Heiti                      Nafnverð   
4. flokkur 92  IBH17-1215    8.720.000
4. flokkur 94  IBH19-0915   31.320.000
2. flokkur 95  IBH20-0615   63.340.000
1. flokkur 98  IBH22-1215   11.588.822
2. flokkur 98  IBH37-1215   96.859.225
1. flokkur 01  IBH26-0315   11.059.114
2. flokkur 01  IBH41-0315  372.877.798