Íslandsbanki hf. - Fyrirtækjafréttir

Islandsbanki hf. : 95% hlutur afhentur Seðlabanka Íslands og íslenska ríkinu

Glitnir hefur nú undirritað samning um að afhenda Seðlabanka Íslands og íslenska
ríkinu stöðugleikaframlag slitabúsins. Hluti af stöðugleikaframlaginu er 95%
hlutur Glitnis í Íslandsbanka. Fyrir átti ríkið 5% hlut og mun bankinn því verða
alfarið í eigu ríkisins. Þessi breyting er háð samþykki Samkeppniseftirlitsins
og munu eigendaskiptin ekki eiga sér stað fyrr en það samþykki er fengið.

Eins og fram hefur komið mun breytt eignarhald ekki hafa áhrif á daglega
starfsemi Íslandsbanka og munu viðskiptavinir og starfsmenn ekki finna fyrir
breytingum vegna þessa.


Nánari upplýsingar veita:

  * Fjárfestatengill - Tinna Molphy,  tinna.molphy@islandsbanki.is og í síma
    440 3187.
  * Samskiptastjóri - Edda Hermannsdóttir, edda.hermannsdottir@islandsbanki.is
    og í síma 440 4005.


[HUG#1982431]