Icelandair Group hf. - Ársreikningur

Arðbær innri vöxtur á öðrum ársfjórðungi 2012

  -- EBITDA 28,8 milljónir USD og eykst um 11,8 milljónir USD á milli ára.
  -- Tekjuaukning 15% frá sama tímabili í fyrra.
  -- Eiginfjárhlutfall 31%.
  -- Handbært fé frá rekstri 72,2 milljónir USD samanborið við 42,9 milljónir
     USD árið áður.

Björgólfur Jóhannsson, forstjóri

„Afkoma félagsins á öðrum ársfjórðungi var góð og talsvert betri en á sama
tímabili 2011. Arðbær innri vöxtur einkenndi fjórðunginn og þá sérstaklega í
millilandaflugi félagsins. Farþegum fjölgaði mikið og einkum á markaðinum milli
Evrópu og Norður-Ameríku. Einnig var töluverður vöxtur á ferðamannamarkaðnum
til Íslands sem hefur jákvæð áhrif á rekstur samstæðunnar og alla íslenska
ferðaþjónustu. 

Félagið hefur aldrei fyrr verið með eins umfangsmikla starfsemi og það er margt
sem þarf að ganga upp til að ná þeim árangri sem við uppskerum nú. Það er
ástæða til að þakka okkar samhenta og metnaðarfulla starfsfólki hvernig til
hefur tekist. 

Reksturinn á fyrri hluta ársins var yfir áætlunum félagsins og horfur fyrir
síðari hluta ársins eru jákvæðar. Miðað við núverandi rekstrarforsendur er gert
ráð fyrir að EBITDA ársins muni verða á bilinu 110-115 milljónir USD, sem er
hækkun frá því sem áður var tilkynnt um.“ 



Frekari upplýsingar veita:

Björgólfur Jóhannsson, forstjóri Icelandair Group, sími: 896-1455
Bogi Nils Bogason, framkvæmdastjóri fjármála Icelandair Group, sími: 665-8801

Attachments:

Icelandair Group hf 30 6 2012.pdf

Frettatilkynning_Q2_2012.pdf