Orkuveita Reykjavíkur - Aðrar upplýsingar sem birtar eru í samræmi við reglur Kauphallarinnar

Fitch hækkar lánshæfiseinkunn OR

Reykjavík, 2017-02-10 18:11 CET (GLOBE NEWSWIRE) -- Alþjóðlega matsfyrirtækið
Fitch Ratings hefur hækkað lánshæfismat Orkuveitu Reykjavíkur (OR) úr BB- í BB.
Horfur eru áfram metnar stöðugar. 

Skýringarnar á hækkaðri einkunn Fitch koma fram í meðfylgjandi tilkynningu
fyrirtækisins og eru af tvennum toga; góður árangur í rekstri fyrirtækisins og
hagstæð þróun í umhverfi þess. Fyrst nefnir matsfyrirtækið lækkaðar skuldir en
einnig frammistöðu OR við að framfylgja Planinu, þar sem árangur hefur verið
umfram markmið, og viðvarandi stuðning eigenda við fyrirtækið. Þeir ytri þættir
sem áhrif hafa á bætta einkunn er bætt efnahagsástand á Íslandi og sterkt gengi
krónunnar, sem komi OR til góða. 

Þau atriði sem Fitch tiltekur að ráði stöðugum horfum í lánshæfi OR er traust
lagaumgjörð rekstursins en á móti komi markaðsáhætta og að ennþá séu skuldir OR
talsverðar. 

Ingvar Stefánsson, framkvæmdastjóri fjármála OR:

Það er ánægjulegt að sjá þessa viðurkenningu á því að vel gengur. Reksturinn er
í góðu horfi og hagstæð ytri skilyrði skila sér í bættri fjárhagsstöðu. Um
áramótin, þegar við lækkuðum verð á hluta veituþjónustunnar, fóru
viðskiptavinir að njóta ábata af bættri stöðu OR og dótturfyrirtækjanna. 


         Nánari upplýsingar:
         Ingvar Stefánsson
         framkvæmdastjóri fjármála OR
         516 6100

Attachments:

Fitch Ratings Credit Update - OR Feb 2017.pdf