Sýn hf. - Ársreikningur

Correction: Sýn hf.: Afkomuviðvörun

Sýn hf. („félagið“) tilkynnir að gert er ráð fyrir að rekstrarhagnaður (EBIT) félagsins fyrir árið 2024 verði í kringum 700 m.kr. sem er undir áður útgefnu spámarki félagsins, sem og rauntölum úr rekstri miðað við afkomu fjórða ársfjórðungs og ársins 2023. Uppfærð spá gerði ráð fyrir að EBIT lægi nær neðri mörkum bilsins 900–1100 m.kr. Helstu ástæður fráviksins eru eftirfarandi:

• Auglýsingatekjur: Sala auglýsinga reyndist talsvert undir upphaflegum áætlunum, eða 258 m.kr. á síðustu tveimur fjórðungum ársins, þar af 157 m.kr. á 4F og leiddi það til endurmats á þeim rekstrarhluta.
• Áskriftartekjur af sjónvarpsmiðlum: Tekjur af áskriftum voru um 106 m.kr. undir þeim markmiðum sem sett höfðu verið.
• Eignfærslur launakostnaðar: Félagið hefur sett sér eignfærslustefnu og á grundvelli hennar tekið ákvörðun um að eignfæra minna en áætlað hafði verið og nemur mismunurinn 112 m.kr.
• Brunatjón: Um mánuði eftir útgáfu spárinnar varð félagið fyrir verulegu tjóni vegna eldsvoða sem nú hefur verið metið á um 600 m.kr. Samþykkt bótaupphæð nemur 207 m.kr. en bruninn hefur haft í för með sér aukinn kostnað og kallar á auknar fjárfestingar til endurnýjunar á skemmdum búnaði.

Leiðrétting vegna tímasetningar brunatjóns: 
Það skal árétta að bruninn varð þann 27. júní, skömmu áður en afkomuspá félagsins var birt 2. júlí. Umfang tjónsins kom hins vegar ekki í ljós að fullu fyrr en  27. júlí þegar nánara mat hafði farið fram. Tjónið er nú metið á um 600 m.kr. en samþykkt bótaupphæð nemur 207 m.kr. og lá hún fyrir þann 15. janúar.

Rekstur fjarskipta var á áætlun á árinu og þrátt fyrir ofangreindar áskoranir hefur rekstrarkostnaður einnig þróast í samræmi við áætlanir og er í takt við markmið félagsins um aukna skilvirkni. 

Félagið mun þurfa að endurskoða áður útgefin viðmið um EBIT fyrir árið 2025 til lækkunar til að bregðast við ofangreindum frávikum. Horfur félagsins fyrir 2025 verða birtar samhliða endanlegu ársuppgjöri þann 20. febrúar nk.

Ársuppgjör félagsins er enn í vinnslu og getur tekið breytingum fram að birtingu.

Nánari upplýsingar á fjarfestatengsl@syn.is