Orkuveita Reykjavíkur - Fyrirtækjafréttir

Útboð OR á verðtryggðum og óverðtryggðum skuldabréfum 23. nóvember

Reykjavík, 2016-11-16 22:25 CET (GLOBE NEWSWIRE) -- Miðvikudaginn 23. nóvember
2016 verða boðin til sölu ný skuldabréf í tveimur flokkum Orkuveitu
Reykjavíkur. Annars vegar verða boðin verðtryggð jafngreiðslubréf til tæplega
30 ára í flokknum OR090546 en í þeim flokki hafa áður verið gefnar út
4.011.724.833 kr. skuldabréf. Hins vegar verða boðin vaxtagreiðslubréf til 6
ára í nýjum flokki OR011222. 

Fjárfestingarbankasvið Arion banka hefur umsjón með útboðinu og kynnir það
fyrir hugsanlegum fjárfestum. Útboðið verður lokað og með hollenskri aðferð,
þar sem öll skuldabréf verða seld á hæstu ávöxtunarkröfu sem tekið verður í
hverjum flokki. OR áskilur sér rétt til að taka hvaða tilboði sem er að hluta
eða í heild eða hafna öllum. 

Niðurstöður útboðsins verða birtar opinberlega næsta virka dag eftir útboð.


         Nánari upplýsingar:
         
         Birgir Guðfinnsson, markaðsviðskiptum fjárfestingarbankasviðs Arion
banka hf. 
         sími 444-7337, netfang verdbrefamidlun@arionbanki.is
         
         Brynja Kolbrún Pétursdóttir forstöðumaður Fjárstýringar og greininga OR
         sími 516-6100, netfang brynja.kolbrun.petursdottir@or.is
         
         Ingvar Stefánsson, framkvæmdastjóri Fjármála OR
         sími 516-6100, netfang ingvar.stefansson@or.is