Nýherji hf. - Ársreikningur

Uppgjör Nýjerja á fyrsta ársfjórðungi 2015

41 mkr heildarhagnaður á fyrsta ársfjórðungi 2015

Rekstur samstæðunnar gekk vel á fyrsta ársfjórðungi og öll félög samstæðunnar
skiluðu hagnaði 

Nýherji kynnti í dag uppgjör á fyrsta ársfjórðungi 2015. Heildarhagnaður nam 41
mkr og tekjuvöxtur var 14,1% miðað við sama tímabil í fyrra. 



Helstu upplýsingar:

  -- Vöru- og þjónustusala á árinu nam 3.263 mkr [2014:2.859 mkr]
  -- Heildarhagnaður fyrsta ársfjórðungs nam 41 mkr [2014: 56 mkr]
  -- Hagnaður fyrir tekjuskatt nam 114 mkr [2014: 86 mkr]
  -- EBITDA nam 225 mkr (6,9%) [2014:191 mkr (6,7%)]
  -- Rekstrarhagnaður nam 147 mkr [2014: 116 mkr]
  -- Framlegð nam 808 mkr (24,8%) [2014: 753 mkr (26,3%)]
  -- Jákvæð rekstrarafkoma var hjá öllum félögum samstæðunnar á fyrsta
     ársfjórðungi
  -- Tekjuvöxtur 14,1% frá sama tímabili í fyrra



Finnur Oddsson, forstjóri:

„Rekstur samstæðu Nýherja gekk vel á fyrsta ársfjórðungi og öll félög
samstæðunnar skiluðu hagnaði. Samstæðan hefur nú skilað heilbrigðum hagnaði 5.
ársfjórðunginn í röð, sem sýnir í reynd aukinn stöðugleika í rekstrinum.
Töluverður tekjuvöxtur var frá sama tímabili í fyrra, sérstaklega hjá Nýherja
og Tempo. Afkoma nú er lítillega yfir áætlunum. Við vinnum áfram að því að
festa nýtt skipulag sem tók gildi síðasta haust í sessi og ná þeim markmiðum
sem félagið setti sér um einfaldara skipulag, skilvirkara sölustarf og bætta
þjónustu.“

Bifogade filer:

Nyherji arshlutareikningur 31.3.2015.pdf

2015.04.29 Uppgjor fyrsta arsfjorungs hja Nyherja hf.pdf