Össur hf. - Ársreikningur

Össur - Ársuppgjör 2012

Salan á árinu í takt við áætlun  -  metsala á bionic vörum á fjórða ársfjórðungi

Sala - Söluvöxtur ársins var 3%, mælt í staðbundinni mynt, og í takt við áætlun
um 2-3% vöxt. Heildarsala nam 399 milljónum Bandaríkjadala samanborið við 398
milljónir dala 2011. Góður vöxtur var á öllum helstu vörumörkuðum og landsvæðum
í EMEA, en eftirlit endurgreiðsluaðila heldur áfram að hafa áhrif í
Bandaríkjunum. Söluvöxtur í stoðtækjum var 4% og söluvöxtur í spelkum og
stuðningsvörum var 3%, hvort tveggja mælt í staðbundinni mynt. Metsala var á
bionic vörulínunni á fjórða ársfjórðungi eða sem nam 17% af heildarsölu á
stoðtækjum.

Arðsemi  - Framlegð var stöðug. Framleiðslan í  Mexíkó hafði jákvæð áhrif sem og
önnur  skilvirkniverkefni innan framleiðsludeildar, en  slök sala á stoðtækjum í
Bandaríkjunum  hafði neikvæð áhrif.  Framlegðin nam 248 milljónum Bandaríkjadala
eða  62% af sölu,  sem er  sama hlutfall  og árið  2011. EBITDA nam 70 milljónum
Bandaríkjadala eða 18% af sölu og var í takt við áætlun um 18-19%.

Hagnaður  jókst um 9% á árinu og nam 38 milljónum Bandaríkjadala, samanborið við
35 milljónir  dala árið 2011. Aukinn hagnaður er  að mestu tilkominn vegna minni
fjármagnskostnaðar.

Sjóðstreymi  er áfram sterkt og handbært fé  frá rekstri var 18% af sölu ársins,
samanborið við 17% árið 2011.

Á  undanförnum árum hefur hagnaður verið góður og sjóðstreymi sterkt. Félagið er
nú  í aðstöðu til þess að greiða  hluthöfum arð. Stjórn félagsins mun því leggja
fram tillögu um greiðslu arðs á næsta aðalfundi félagsins.

Jón Sigurðsson, forstjóri:"Enn eitt árið gengur mjög vel í EMEA á meðan markaðsaðstæður í Bandaríkjunum
hafa verið erfiðar. Sala á stoðtækjum í EMEA hefur verið mjög góð allt árið og
metsala á bionic vörum á fjórða ársfjórðungi. Þrátt fyrir miklar sviptingar í
endurgreiðslukerfinu í Bandaríkjunum finnum við fyrir áhuga á okkar
hátæknivörum. POWER KNEE, ein af okkar háþróuðustu vörum, var samþykkt inn í
endurgreiðslukerfið frá og með 1. janúar 2013. Við erum ánægð að sjá
áframhaldandi eftirspurn á hátæknivörum sem sýna fram á gæði og hagkvæmni."

Ólympíuleikar  - Á árinu vann Oscar Pistorius það afrek að verða fyrsti aflimaði
einstaklingurinn   til   þess   að  keppa  á  Ólympíuleikum  ófatlaðra.  Árangur
íþróttamanna á Ólympíuleikum fatlaðra vakti einnig verðskuldaða athygli og hefur
árangur þeirra nú þegar breytt viðhorfi almennings gagnvart fötluðum.

Nýjar  vörur - Á árinu voru 29 nýjar vörur  kynntar og var gott jafnvægi á milli
stoðtækja og spelkna og stuðningsvara. Í spelkunum hefur verið lögð áhersla á að
styrkja  vörulínur  sem  hafa  náð  góðum  árangri  eins og Unloader One, sem er
meðferð við slitgigt, bak- og hálsspelkur og Rebound Walker.  Í stoðtækjunum ber
hæst  SYMBINIC LEG, sem er fyrsti heildstæði rafræni gervifótur sinnar tegundar.
SYMBIONIC  LEG hefur gengið vel og fengið  jákvæð viðbrögð frá notendum. Á árinu
var einnig lögð aukin áhersla á stoðtæki fyrir eldri notendur.

Mexíkó  - Árið 2012 var  fyrsta heila rekstrarárið  í Mexíkó, en framleiðsla þar
hófst  í september 2011. Flutningur  á framleiðslu vara  frá öðrum starfsstöðvum
Össurar  til Mexíkó hefur gengið vel og án mikilla vandkvæða. Verksmiðjan er vel
tækjum búin og mun halda áfram að styrkja framleiðslugetu félagsins.

Áætlun 2013 - Stjórnendur gera ráð fyrir innri söluvexti á bilinu 2-4%, mælt í
staðbundinni mynt, og að EBITDA verði á bilinu 18-19% sem hlutfall af veltu.


Símafundur á morgun, fimmtudaginn 7. febrúar kl. 11:00

Á  morgun,  fimmtudaginn  7. febrúar,  verður  haldinn  símafundur þar sem farið
verður  yfir niðurstöður fjórða ársfjórðungs og  ársins í heild. Fundurinn hefst
kl.  11:00 GMT / 12:00 CET.  Á fundinum  munu þeir Jón Sigurðsson, forstjóri, og
Hjörleifur  Pálsson, fjármálastjóri, kynna afkomu félagsins og svara spurningum.
Fundurinn  fer fram  á ensku  og verður  hægt að  fylgjast með  honum á netinu á
slóðinni www.ossur.com/investors



Símanúmer til að taka þátt í fundinum eru:
Evrópa: 44 (0) 1452 555131 or + 46(0)8 506 307 79
Bandaríkin: + 1 866 682 8490
Ísland: 800 9300

Nánari upplýsingar:

Jón Sigurðsson, forstjóri                sími: 515-1300

Hjörleifur Pálsson, fjármálastjóri       sími: 515-1300

Sigurborg Arnarsdóttir, fjárfestatengill sími: 664-1044






Athugið að þetta yfirlit nær aðeins yfir helstu þætti uppgjörsins. Tilkynningu í
fullri lengd á ensku er að finna á www.ossur.com/investors

[HUG#1676060]

Attachments:

Ossur financial statement 31.12.2012.pdf

Ossur Press Release Q4 2012 English.pdf

Q4 2012 Investor Presentation.pdf