Spölur ehf. - Ársreikningur

6 mánaða uppgjör 1.10.2009-31.3.2010

• Tap Spalar ehf eftir skatta fyrir rekstarárið 1. október 2009 til 31. mars
  2010 nam kr. 40,6 m.kr. en tap á tímabilinu 1. október 2008 til 31. mars 2009
  nam 233 m.kr. Hagnaður Spalar ehf eftir skatta á öðrum ársfjórðungi félagsins
  sem er 1. janúar 2010 til 31. mars 2010 nam 13,5 m.kr. Á sama tíma árið á
  undan nam tap félagsins 88 m.kr. Reikningsár Spalar er 1. október til 30.
  september ár hvert. Spölur er að fullu í eigu Eignarhaldsfélagsins Spalar hf. 

• Veggjald nam 356 m.kr. fyrstu 6 mánuði ársins til samanburðar við 344 m.kr.
  árið áður sem er 3,5% hækkun.

• Rekstrarkostnaður Spalar ehf án afskrifta fyrstu 6 mánuði ársins nam 147
  m.kr. og hækkar um tæpar 18 m.kr frá árinu áður þegar hann nam 129 m.kr
  Hækkunin liggur að stærstum hluta í aukningu launkostnaðar og aðkeyptrar
  ráðgjafaþjónustu og afskrifaðra viðskiptakrafna vegna gjaldþrota.

• Afskriftir á tímabilinu námu samtals 57 m. kr. og lækka á milli ára um 50,9%,
  sem skýrist af breytingu á reikningshaldslegu mati á líftíma ganganna.

• Vaxtagjöld, verðbætur og gengismunur lækka á milli tímabila um 213 m. kr.

• Skuldir Spalar ehf hækka úr 4.413 m.kr. þann 30. september 2009 í 4.615 m.kr.
  þann 31. mars 2010.

Um uppgjörið
Gylfi Þórðarson, framkæmdastjóri Spalar, segir að umferð og tekjur séu nokkurn
veginn í samræmi við áætlanir. Vegna mikillar verðbólgu árin 2008 og 2009 var
nauðsynlegt að hækka gjaldskrá félagsins um  ca. 12,5% 1. febrúar 2010. Þar sem
umferð og tekjur eru umtalsvert meiri seinni hluta rekstrarársins er útlit
fyrir mjög ásættanlega niðurstöðu fyrir rekstrarárið í heild. 

Nánari upplýsingar veitir Gylfi Þórðarson, framkvæmdastjóri Spalar ehf, í síma
433 5910.

Attachments:

spolurarsrehf032010 ifrs 25_5_2010.pdf

fréttatilkynning frá speli ehf 31 03 2010 25_05_2010.pdf