Vopnafjarðarhreppur - Ársreikningur

Vopnafjarðarhreppur ársreikningur 2015

Ársreikningur Vopnafjarðarhrepps fyrir árið 2015 var lagður fram til fyrri
umræðu í sveitarstjórn Vopnafjarðarhrepps fimmtudaginn 28. apríl 2016. Samkvæmt
sveitarstjórnarlögum skal fjalla um ársreikninginn á tveimur fundum í
sveitarstjórn og verður ársreikninginn tekinn til umræðu í sveitarstjórn fyrir
15. maí nk. 

Ársreikningur Vopnafjarðarhrepps árið 2015 hefur að geyma ársreikning fyrir þær
rekstrareiningar sem falla undir A-hluta starfsemi sveitarfélagsins og
samantekinn ársreikning fyrir alla starfsemi þess, þ.e. A- og B-hluta, sbr. 60.
gr. sveitarstjórnarlaga, nr. 138/2011. 

Til A-hluta telst starfsemi sem að hluta eða öllu leyti er fjármögnuð með
skatttekjum. Hér er um að ræða Aðalsjóð, en auk hans Eignasjóð og
Þjónustumiðstöð. Til B-hluta teljast fjárhagslega sjálfstæð fyrirtæki sem að
hálfu eða meirihluta eru í eigu sveitarfélagsins, en rekstur þessara fyrirtækja
er fjármagnaður með þjónustutekjum.  Fyrirtæki sem falla undir B-hluta
starfsemi sveitarfélagsins eru Hafnarsjóður, Vatnsveita, Fráveita, Félagslegar
íbúðir, Leiguíbúðir aldraðra, Legudeildin Sundabúð, Lyfsala, Skiphólmi ehf. og
Arnarvatn ehf 

Helstu niðurstöður ársreiknings 2015 eru eftirfarandi:

  -- Rekstrarniðurstaða A- og B-hluta á árinu var jákvæð um 46 millj. kr., en
     niðurstaða A-hluta var neikvæð um 49 millj. kr.
  -- Veltufé frá rekstri A- og B-hluta nam 120 millj. kr., en 48 millj. kr. í
     A-hluta.
  -- Skuldir og skuldbindingar A- og B-hluta námu 608 millj. kr. í árslok 2015,
     en 545 millj. kr. í A-hluta.
  -- Eigið fé A- og B-hluta nam um 808 millj. kr. í árslok en eigið fé A-hluta
     nam um 568 millj. kr.
  -- Skuldahlutfall A- og B-hluta, skv. skilgreiningu í reglugerð um fjárhagsleg
     viðmið nr. 502/2012, nemur 65,1% í árslok 2015, en þetta hlutfall var 72,3%
     í árslok 2014.
  -- Skuldaviðmið A- og B-hluta, skv. sömu reglugerð, nemur 62,5% í árslok 2015,
     en þetta hlutfall var 70,5% í árslok 2015.  Samkvæmt sveitarstjórnarlögum
     og ofangreindri reglugerð þá skulu þessi hlutföll ekki var hærri en 150%.
  -- Þá skulu samanlögð heildarútgjöld til rekstrar vegna A- og B-hluta ekki
     vera hærri en sem nemur samanlögðum reglulegum tekjum á hverju þriggja ára
     tímabili. Rekstrarjöfnuður Vopnafjarðarhrepps fyrir A- og B-hluta hefur
     verið jákvæður undanfarin ár og verður jákvæður áfram gangi fyrirliggjandi
     áætlanir sveitarfélagsins eftir.



Nánari upplýsingar veitir Ólafur Áki Ragnarsson, sveitarstjóri.

Attachments:

Arsreikningur Vopnafjararhrepps 2015.pdf