|
|||
2007-11-28 11:06:34 CET 2007-11-28 11:06:34 CET SÄÄNNELTY TIETO Hf. Eimskipafélag Íslands - Breyting á stjórn/framkvæmdastjórn/endurskoðendumBreytingar á yfirstjórn Eimskips í AmeríkuSamhæfingarferli Versacold, Atlas og Eimskips í Bandaríkjunum og Kanada er nú lokið. Brent Sugden, forstjóri yfir kæli- og frystigeymslusviði Eimskips í Ameríku mun stýra allri starfsemi Eimskips, Atlas og Versacold í Bandaríkjunum og Kanada. Reynir Gíslason, sem verið hefur forstjóri yfir annarri starfsemi Eimskips í Ameríku en þeirri sem snýr að kæli- og frystigeymslum, hefur látið af störfum hjá félaginu frá og með deginum í dag. Gylfi Sigfússon hefur verið ráðinn framkvæmdastjóri og mun stýra þeim rekstri sem snýr að flutningum félagsins milli Bandaríkjanna, Kanada og Íslands ásamt öðrum flutningum þeim tengdum. Gylfi, sem verður undir stjórn Brents, tilheyrir nú stjórnendateymi Eimskips í Ameríku sem ber ábyrgð á rekstri Versacold, Atlas og Eimskips í Norður Ameríku. Brent Sugden hefur undanfarin sex ár verið forstjóri Versacold og hefur áralanga reynslu af rekstri kæli- og frystigeymslna. Brendt hefur náð miklum árangri í Versacold og hefur verið farsæll stjórnandi í ört vaxandi fyrirtæki í hörðu samkeppnisumhverfi. Eimskip í Ameríku rekur um 120 kæli- og frystigeymslur, þar starfa um 8.500 manns á vegum félagins og veltan nemur um 1.200 milljónum bandaríkjadala eða um 75 milljörðum króna. Að auki starfrækir Eimskip áætlunarsiglingar á austurströnd Bandaríkjanna og stefnir félagið að auka þjónustuframboð sitt til muna á þessu markaðssvæði. Eimskip þakkar Reyni farsælt starf í þágu félagsins og óskar honum velfarnaðar á nýjum vettvangi. Nánari upplýsingar: Baldur Guðnason, forstjóri Eimskips, sími: 525 7202 Um Eimskip Eimskip býður viðskiptavinum heildarlausnir í flutningum, þ.m.t. skipaflutninga, flugflutninga og landflutninga, með sérstakri áherslu á hitastýrða flutninga og geymslu, Eimskip rekur um 280 starfsstöðvar í um 30 löndum. Fyrirtækið er með 50 skip í rekstri, 2.000 flutningabíla og tengivagna og um 180 frystigeymslur. Starfsmenn eru um 14.000. |
|||
|