|
|||
![]() |
|||
2017-05-02 17:42:54 CEST 2017-05-02 17:42:54 CEST REGULATED INFORMATION Vátryggingafélag Íslands hf. - ÁrsreikningurVátryggingafélag Íslands hf. - ÁrshlutauppgjörÁrsreikningur fyrsta ársfjórðungs 2017 Samstæðuárshlutareikningur félagsins fyrir fyrsta ársfjórðung 2017 var staðfestur af stjórn og forstjóra félagsins á stjórnarfundi þann 2. maí 2017. Árshlutareikningurinn hefur hvorki verið endurskoðaður né kannaður af endurskoðendum félagsins. Helstu niðurstöður fyrsta ársfjórðungs 2017 · Hagnaður tímabilsins nam 191 m.kr. samanborið við 145 m.kr. sama tímabil árið 2016. · Bókfærð iðgjöld jukust um 17% frá sama tíma í fyrra. · Eigin tjónakostnaður hækkaði um 18%. · Kostnaðarhlutfall lækkaði í 20,3% úr 22,1% á sama tíma í fyrra. · Samsett hlutfall var 107,2% en var 104,5% á sama tímabili í fyrra. · Tekjur af fjárfestingastarfsemi námu 677 m.kr. samanborið við 435 m.kr. á sama tíma 2016. · Hagnaður á hlut nam 0,09 krónum samanborið við 0,06 krónur fyrir sama tímabil 2016. Jakob Sigurðsson, forstjóri „Iðgjöld félagsins eru að vaxa talsvert og munu gera það áfram, ekki síst vegna hærri meðaliðgjalda, en einnig vegna nýrra viðskipta. Þannig eru eigin iðgjöld að vaxa um 12,2% frá sama tímabili í fyrra, en einnig eru bókfærð iðgjöld að vaxa um 17%, sem gefur til kynna áframhaldandi vöxt eigin iðgjalda á árinu. Félagið hefur frá árinu 2015 unnið að hækkunum iðgjalda til að bregðast við mikilli hækkun í tíðni tjóna og tjónakostnaðar. Því er tjónakostnaður á fjórðunginum nokkur vonbrigði, en vel er fylgst með þeirri þróun áfram og brugðist frekar við ef þörf krefur. Samsett hlutfall var 107,2% sem er hærra en á sama tíma í fyrra, en afkoma ökutækjatrygginga og slysatrygginga er enn óviðunandi þó miði í rétta átt. Áætlanir félagsins gera engu að síður ráð fyrir að markmið félagsins um að samsett hlutfall á árinu 2017 verði undir 100% muni nást. Félagið eignaðist 21,8% hlut í Kviku banka á tímabilinu. Kvika er öflugt fyrirtæki sem stendur frammi fyrir spennandi tækifærum auk þess sem kaupin gefa áhugaverða möguleika til framtíðar. Ávöxtun fjárfestingaeigna gekk ágætlega að undanskildum skráðum innlendum hlutabréfum. Ávöxtun fjárfestingaeigna nam 1,97% á fjórðunginum. Eins og greint var frá í byrjun árs hefur verið unnið að rýni og endurskoðun á stefnu VÍS með víðtækri þátttöku stjórnar og starfsfólks. Þessari vinnu er nú lokið og er unnið að innleiðingu. Gert er ráð fyrir að niðurstöður verði kynntar frekar síðar í vor. Ég vil nota tækifærið og þakka viðskiptavinum VÍS, starfsfólki, stjórn og hluthöfum fyrir ánægjulegt samstarf og óska þeim góðs gengis í framtíðinni“ Horfur Gert er ráð fyrir ágætum iðgjaldavexti á árinu 2017 og er reiknað með að samsett hlutfall verði undir 100%. Kynningarfundur Kynningarfundur fyrir markaðsaðila og hluthafa verður haldinn hjá VÍS í Ármúla 3, 5. hæð, þann 3. maí n.k. kl. 8:30. Þar munu Jakob Sigurðsson forstjóri, Guðmar Guðmundsson framkvæmdastjóri fjármálasviðs og Tryggvi Guðbrandsson forstöðumaður fjárfestinga kynna afkomu félagsins og svara spurningum. Kynningarefni fundarins verður aðgengilegt að honum loknum á vef VÍS: www.vis.is Fjárhagsdagatal Viðburður Dagsetning: Aðalfundur 2017 15. mars 2017 1. ársfjórðungur 2. maí 2017 2. ársfjórðungur 24. ágúst 2017 3. ársfjórðungur 24. október 2017 Ársuppgjör 2017 8. vika 2018 Nánari upplýsingar Nánari upplýsingar veitir Guðný Helga Herbertsdóttir í síma 660-5191 og í netfangi fjarfestatengsl@vis.is. |
|||
|