|
|||
2016-03-11 17:53:29 CET 2016-03-11 17:53:29 CET REGULATED INFORMATION N1 hf. - FyrirtækjafréttirN1 hf: Athugasemdir og sjónarmið við frummatsskýrslu Samkeppniseftirlitsins um eldsneytismarkaðinnN1 hefur í dag sent Samkeppniseftirlitinu athugasemdir og sjónarmið við skýrslu Samkeppniseftirlitsins um frumniðurstöður markaðsrannsóknar á eldsneytismarkaði sem birt var 30. nóvember 2015. N1 telur skýrsluna að sumu leyti fela í sér áhugaverða greiningu á íslenskum eldsneytismarkaði. N1 tekur undir hluta þeirra sjónarmiða sem þar koma fram, t.d. hvað varðar ýmis tækifæri til hagræðingar enda hefur N1 haft frumkvæði að viðræðum við Samkeppniseftirlitið um hvaða leiðir séu færar í þeim efnum. Þá fagnar N1 staðfestingu Samkeppniseftirlitsins á því að það telji að N1 hafi ekki framið brot gegn samkeppnislögum. N1 gerir hins vegar fjölmargar athugasemdir við meginniðurstöður frummatsskýrslunnar, þess efnis að álagning íslensku olíufélaganna sé of há. Samkeppniseftirlitið byggir þessar staðhæfingar sínar fyrst og fremst á samanburði við Bretland, þar sem álagning á Íslandi er borin saman við álagningu eldsneytissala þar í landi. N1 færir fram í svari sínu fjölmörg rök fyrir því að þessi samanburður við Bretland er gagnslaus og nánast fjarstæðukenndur. Aðstæður til dreifingar og sölu eldsneytis á Bretlandi eru afar ólíkar aðstæðum hér á landi, t.a.m. vegna eðlis og stærðar markaðar, dreifbýlis hér á landi, sölumagns, birgðahalds og fjármagnskostnaðar. N1 telur að samanburður við Norðurlöndin væri mun nærtækari þar sem aðstæður eru um margt sambærilegar við aðstæður hér á landi. N1 bendir á að álagning á eldsneyti í t.a.m. Noregi er svipuð álagningu hér á landi. N1 telur að greining Samkeppniseftirlitsins á meintri umfram framlegð á íslenska eldsneytismarkaðnum sé röng í grundvallaratriðum. N1 telur að ráða megi af lestri skýrslunnar að virk og heilbrigð samkeppni ríki á íslenskum eldsneytismarkaði og er það í fullu samræmi við reynslu félagsins og starfsmanna þess á hverjum degi. Með tilkynningu þessari fylgja athugasemdir N1 í heild sinni. [HUG#1993566] |
|||
|