Lánasjóður sveitarfélaga ohf. - Árshlutareikningur - 6 mán.

Lánasjóður sveitarfélaga - Árshlutauppgjör 30. júní 2017

Hagnaður tímabilsins nam 432 milljónum króna samanborið við 700 milljónir króna á sama tíma árið 2016. Breytingin á milli ára skýrist af tekjufærslu á fyrri hluta ársins 2016 vegna endurheimta af kröfu Lánasjóðsins á hendur Glitni banka hf. sem staðfest var með dómi Hæstarréttar í maí 2016.

Heildareignir sjóðsins í lok tímabilsins voru 77.007 milljónir króna á móti 78.024 milljónum króna í árslok 2016. Heildarútlán sjóðsins námu 69.179 milljónum króna í lok tímabilisins samanborið við 71.175 í árslok 2016. Þá nam eigið fé 17.114 milljónum króna á móti 17.172 milljónum króna í árslok 2016. Vegið eiginfjárhlutfall samkvæmt lögum um fjármálafyrirtæki er 99% en var 85% í árslok 2016.

Framtíðarhorfur
Lánasjóðurinn mun starfa í meginatriðum líkt og undanfarin ár þar sem unnið hefur verið að eflingu á starfsemi hans og aukinni þjónustu við sveitarfélögin með því að nýta gott lánstraust sjóðsins til að útvega sveitarfélögunum lánsfé á hagstæðum kjörum. 

Kynningarfundur
Opinn kynningarfundur fyrir markaðsaðila verður haldinn fimmtudaginn 24. ágúst 2017 í starfsstöð sjóðsins, Borgartúni 30, 5 hæð. Óttar Guðjónsson framkvæmdastjóri mun kynna afkomu og efnahag sjóðsins ásamt því að svara spurningum. Kynningin hefst kl. 8:30.

Nánari upplýsingar veitir: Óttar Guðjónsson, framkvæmdastjóri, s. 515 4949

Bifogade filer:

Arshlutareikningur LS _ 2017 06 30 - undirritaur.pdf

Afkomutilkynning LS 2017 06 30.pdf