2011-08-29 11:48:02 CEST
2011-08-29 11:49:04 CEST
REGULATED INFORMATION
Eyrir Invest ehf. - Ársreikningur
Hófleg hækkun á nettó virði eigna á fyrri árshelmingi
Afkoma Eyrir Invest H1 2011
Hófleg hækkun á nettó virði eigna á fyrri árshelmingi
-- Nettó virði eigna* nemur 196 milljónum evra um mitt ár 2011 samanborið við
193 milljónir í upphafi árs. Þetta samsvarar 2% hækkun á tímabilinu.
-- Tap tímabilsins nam 13 milljónum evra. Óinnleystur hagnaður af hlutabréfum
í Marel er ekki færður til bókar, hvorki í rekstrarreikningi né efnahag, og
skýrir það að mestu mismunin á rekstrarafkomu og breytingu eignavirðis.
-- Bókað eigið fé Eyris hinn 30. júní 2011 er 173 milljónir evra og
eiginfjárhlutfall reiknast 48% samanborið við 44% í árslok 2010.
Vaxtaberandi skuldir Eyris Invest lækka um 52 m evra á fyrri árshelmingi
2011.
-- Horfur í rekstri Eyris og kjarnaeigna eru góðar. Félögin eru með sterka
fjárhagsstöðu í samræmi við stefnu og alþjóðleg viðmið, með nettó skuldir á
bilinu 2-3x EBITDA
Kjölfestueignir Eyris eru 36% hlutur í Marel og 17% hlutur í Stork BV sem á og
rekur iðnfyrirtækin Stork Technical Services og Fokker Technologies. Að auki
fjárfestir Eyrir í ýmsum sprotafyrirtækjum og styður þau til vaxtar. „Kaupa og
styðja til vaxtar“ stefna Eyris hefur skilað góðri ávöxtun frá stofnun
félagsins árið 2000.
*) Nettó Virði Eigna (Net Asset Value) er reiknað sem markaðsvirði eigna að
frádregnum nettó skuldum.
Árni Oddur Þórðarson, forstjóri Eyris:
„Stærstu áskoranir um þessar mundir felast í því ójafnvægi sem ríkir í
efnahagslífi heimsins. Á undanförnum mánuðum höfum við séð matvæla- og
orkuverð hækka um tugi prósenta. Aukin fjárfesting í nýrri og betri tækni til
að auka framleiðni í matvælageiranum og orkuiðnaði er nauðsynleg og eina
raunhæfa leiðin til að mæta sívaxandi eftirspurn á heimsvísu.
Innri vöxtur Marel á fyrri árshelmingi nam 19% og pantanabók hefur aldrei verið
sterkari. Kjúklinga-, fisk- og kjötframleiðendur eru að endurnýja
framleiðslutækin og reisa nýjar verksmiðjur til að mæta sívaxandi eftirspurn
neytenda, einkum í S-Ameríku, Asíu og A-Evrópu.
Stork Technical Services (STS) styrkti stöðu sína með kaupunum á RBG og jók
þannig umsvif sín á nýjum og vaxandi mörkuðum. Nú eru um 15.000 starfsmenn hjá
STS sem þjónusta olíu-, gas- og orkuiðnað á Benelux svæðinu, Norðursjó,
Kaspíahafi, Mið-Austurlöndum og S-Ameríku.
Við erum ánægð með þann árangur sem hefur náðst á fyrri hluta ársins.
Kjölfestueignir okkar eru vel staðsettar innan atvinnugreina sem búa við góðan
vöxt og horfur eru góðar.“
Lykiltölur - Rekstrarreikningur
(í þús. evra) 2011/6m 2010/6m 2010 2009*
--------------------------------------------------------------------------------
Rekstrartekjur:
Afkoma af verðbréfum og verðbréfaafleiðum -15.165 10.991 64.851 4.992
Afkoma hlutdeildarfélaga 2.583 4.663 7.491 -13.116
Vaxtagjöld, nettó -5.487 -7.071 -15.873 -13.592
Gengismunur 5.531 -4.612 -3.254 183
--------------------------------------
Hreinar rekstrartekjur -12.538 3.971 53.215 -21.533
Rekstrargjöld:
Laun og launatengd gjöld 451 459 836 889
Annar rekstrarkostnaður 370 264 560 1.241
--------------------------------------
Rekstrargjöld 821 723 1.396 2.130
--------------------------------------
Afkoma tímabilsins -13.359 3.248 51.819 -23.663
--------------------------------------
Rekstrarliðir færðir beint á eigið fé -190 3.137 -18.639 -7.696
samtals
--------------------------------------
Heildarhagnaður ársins -13.549 6.385 33.180 -31.359
--------------------------------------
Hagn. á hlut, evrucent (hver hlutur 1 -0,0133 0,0032 0,05 -0,02
ISK)
--------------------------------------
*) 2009 tölur aðlagaðar yngri tölum, þar sem gangvirðisbr. London Acquisition
(Stork) er færð meðal afkomu af verðbréfum
Lykiltölur - Efnahagsreikningur
Eignir: 2011/6m 2010 2009 2008
--------------------------------------
Handbært fé og bundnar bankainnistæður 12.274 22.758 27.526 40.732
Fjárfestingaverðbréf 174.320 256.835 167.909 168.244
Hlutdeildarfélög 167.533 143.602 208.631 227.710
Aðrar kröfur 2.764 1.201 615 12.741
Rekstrarfjármunir 2.126 2.050 2.119 2.180
--------------------------------------
Eignir samtals 359.017 426.446 406.800 451.607
--------------------------------------
--------------------------------------
Eigið fé og skuldir:
Eigið fé 173.098 186.648 153.469 184.185
Ýmsar skuldir 226 1.908 373 29.351
Lántaka 185.693 237.890 252.958 238.071
--------------------------------------
Eigið fé og skuldir samtals 359.017 426.446 406.800 451.607
--------------------------------------
Eiginfjárhlutfall 48,2% 43,8% 37,7% 40,8%
Helstu viðburðir H1 2011
Innri vöxtur Marel nam 19% á H1 2011
Eyrir bókar eign sína í Marel samkvæmt hlutdeildaraðferð. Hinn 30. júní 2011
var eignarhluturinn bókaður á 64 evrusent á hlut, samanborið við markaðsverð
upp á 72 evrusent á hlut (121 ISK) á sama tíma.
Í mars og maí 2011 jók Eyrir við eignarhlut sinn í Marel, úr 31,7% upp í 35,6%.
Rekstur Marel á fyrri árshelmingi 2011 gekk vel. Innri vöxtur sölu nam 19% á
tímabilinu, ofan á góðan tekjuvöxt árið 2010. EBIT var innan 10-12% markmiðs
félagsins og hagnaður eftir skatta jókst um 57% frá fyrri árshelmingi 2010, sem
má að verulegu leyti rekja til ávinnings af hagstæðri langtímafjármögnun sem
Marel tryggði sér undir lok árs 2010.
Sala á hlutabréfum í Össuri
Össur tryggði sér hagstæða langtímafjármögnun hjá þremur alþjóðlegum bönkum á
fyrsta ársfjórðungi 2011. Í maí seldi Eyrir öll hlutabréf sín í Össuri eftir
að hafa verið leiðandi fjárfestir í félaginu í sjö ár sem einkenndust af auknum
umsvifum og alþjóðavæðingu. Í kjölfar sölunnar hefur Eyrir greitt niður
skuldir, en alls nemur lækkun nettó skulda Eyris á fyrri árshelmingi um 52
milljónum evra.
Stork Technical Services eykur umsvif með yfirtöku á RBG
Í maí 2011 keypti STS skoska félagið RBG. Kaupin styrkja stöðu STS á nýjum og
vaxandi mörkuðum en nú starfa 15.000 manns hjá STS sem þjónusta olíu-, gas- og
orkuiðnað á Benelux svæðinu, Norðursjónum, Kaspíahaf, Mið-Austurlöndum og
S-Ameríku. Kaupin á RBG skapa margvíslega möguleika til kostnaðarhagræðingar og
aukinnar sölu.
Stork Technical auka umsvif og rekstrarhagnað um þriðjung við innkomu RBG.
Tekjur Fokker Technologies aukast um 11% á fyrri árshelmingi með óbreyttum
rekstrarhagnaði á milli ára. Fjármögnun Stork samstæðunnar er til lengri tíma
og eru nettó skuldir um x3 EBITDA eftir kaupin á RBG.
Samkomulag um Lífeyrissjóð Stork
Á fyrri árshelmingi náðist samkomulag milli Lífeyrissjóðs Stork (Stork Pension
Fund), hollenska félagsins Stork BV, Marel, og fleiri fyrirtækja sem áður voru
hluti af Stork samtæðunni, um fyrirkomulag skuldbindinga fyrirtækjanna gagnvart
Lífeyrissjóði Stork. Samkomulagið felur í sér að skuldbindingar Stork og Marel
gagnvart sjóðnum takmarkast héðan í frá við fastar greiðslur án tillits til
ávöxtunar.
Horfur
Horft fram á veginn er búist við góðum vexti og virðisaukningu í þeim
atvinnugreinum sem kjölfestueignir Eyris Invest tilheyra; matvæla-, orku- og
flugiðnaði. Á síðastliðnum árum hafa lykilfélög Eyris stöðugt styrkt
markaðsstöðu sína og eru vel í stakk búin til að njóta góðs af vexti markaða.
Afkoma getur verið breytileg frá ári til árs.
Reykjavík, 29. ágúst 2011
Frekari upplýsingar:
Árni Oddur Þórðarson, forstjóri Eyrir Invest
Sími: 525-0200
www.eyrir.is
Um Eyri
Eyrir er alþjóðlegt fjárfestingarfélag sem leggur ríka áherslu á virka þátttöku
í rekstri og stefnumörkun lykileigna sinna. Eyrir Invest var stofnað um mitt ár
2000.
Athygli fjárfesta er vakin á eftirfarandi
Sumar staðhæfingar í þessari fréttatilkynningu kunna að vera byggðar á mati og
áætlunum stjórnenda félagsins en ekki á staðreyndum sem hægt er að sannreyna
við birtingu hennar. Í eðli sínu fela slíkar staðhæfingar því í sér óvissu. Við
vekjum þess vegna athygli fjárfesta á því að margir þættir geta haft þau áhrif
að rekstrarumhverfi og afkoma verði með öðrum hætti en forsendur gera ráð fyrir
í þessari tilkynningu. Tilkynningin verður ekki endurskoðuð eftir birtingu hvað
þetta varðar.
© 2024 Nasdaq, Inc. All Rights Reserved |