|
|||
2013-04-26 10:41:12 CEST 2013-04-26 10:42:14 CEST REGULATED INFORMATION Tryggingamiðstöðin hf. - FyrirtækjafréttirMikil eftirspurn í hlutafjárútboði í TMAlmennu hlutafjárútboði í Tryggingamiðstöðinni hf. (TM) lauk klukkan 16:00 þann 24. apríl 2013. Alls bárust um 7 þúsund áskriftir að heildarandvirði 357 milljarðar króna. Í útboðinu buðu Stoðir 28,7% hlut í TM til sölu á verðbilinu 17,75 - 20,10 krónur á hlut og hefur stjórn Stoða ákveðið útboðsgengið í efstu mörkum, 20,10 krónur á hlut. Söluandvirðið nemur 4,4 milljörðum króna á útboðsgengi. Enginn hluthafa TM mun eiga yfir 10% eignarhlut. Í áskriftarhluta útboðsins, þar sem tekið var við áskriftum frá 100.000 krónum til 49.999.999 króna, bárust áskriftir fyrir samtals 22 milljarða króna. Í ljósi mikillar þátttöku hefur hámarksfjárhæð í þessum hluta útboðsins verið ákveðin 452.250 krónur. Áskriftir upp að þeirri fjárhæð verða ekki skertar. Í þeim hluta útboðsins þar sem tekið var við áskriftum að fjárhæð að lágmarki 50 milljónir króna bárust áskriftir fyrir samtals 335 milljarða króna. Tryggð er lágmarksúthlutun í þessum hluta að fjárhæð 452.250 kr. en skerðing umfram lágmarksúthlutun er ákvörðuð hlutfallslega, þó þannig að hæsta einstaka úthlutun nemur um 5,8 milljónum króna. Gjalddagi og eindagi greiðsluseðla vegna útboðsins er 3. maí 2013 og verða hlutir í TM afhentir kaupendum 7. maí 2013. Gert er ráð fyrir að fyrsti viðskiptadagur með hluti TM á Aðalmarkaði NASDAQ OMX Iceland (Kauphöllin) verði 8. maí 2013, en Kauphöllin mun tilkynna um fyrsta viðskiptadag með minnst eins viðskiptadags fyrirvara. Í viðhengi er bráðabirgðahluthafalisti TM að loknu útboði. Júlíus Þorfinnsson, framkvæmdastjóri Stoða: „Mikil þátttaka í hlutafjárútboði TM er okkur að sjálfsögðu ánægjuefni. Markmið Stoða með útboðinu hafa gengið eftir, bæði hvað varðar verð og dreifingu hlutafjár. Stoðir hafa unnið að sölu hlutafjár TM í á annað ár og hafa nú selt samtals um 95% hlutafjár til breiðs hóps einka- og fagfjárfesta.“ Sigurður Viðarsson, forstjóri TM: „Hlutafjárútboðið og skráning í Kauphöllina markar mikilvæg tímamót fyrir TM. Markmið TM er að verða hornsteinn á íslenskum hlutabréfamarkaði og þess vegna er það ánægjulegt að sjá hve fjölmennur hópur nýrra hluthafa kemur nú að félaginu.“ Fyrirtækjaráðgjöf Landsbankans og Fyrirtækjaráðgjöf Íslandsbanka eru umsjónar- og söluaðilar útboðsins. Nánari upplýsingar veita: Júlíus Þorfinnsson, framkvæmdastjóri Stoða í síma 896 6612 Sigurður Viðarsson, forstjóri TM í síma 898 6276 Kristján Kristjánsson, upplýsingafulltrúi Landsbankans í síma 899 9352 Már Másson, forstöðumaður samskiptasviðs Íslandsbanka í síma 844 4990 Bráðabirgðahluthafalisti Tryggingamiðstöðvarinnar hf. 26. apríl 2013 Eftirfarandi listi yfir 15 stærstu hluthafa Tryggingamiðstöðvarinnar hf. byggir á því að viðskipti samkvæmt niðurstöðu almenns hlutafjárútboðs, sem lauk 24. apríl 2013, gangi eftir. Listinn byggir á úthlutunum í almenna hlutafjárútboðinu og hluthafalista Tryggingamiðstöðvarinnar hf. frá Verðbréfaskráningu Íslands þann 23. apríl 2013. Athygli er vakin á að ekki er því um formlegan hluthafalista að ræða, heldur bráðabirgðahluthafalista. Nr. Kennitala Nafn Hlutir % ------------------------------------------------------------------ 1 4302694459 Lífeyrissjóður verslunarmanna 75.278.995 9,9% 2 6204922809 Sameinaði lífeyrissjóðurinn 45.623.633 6,0% 3 4501810489 Söfnunarsjóður lífeyrisréttinda 45.043.666 5,9% 4 6012730129 Stoðir hf. 37.124.947 4,9% 5 4106121430 JÖKÁ ehf. 35.254.625 4,6% 6 5709120890 L175 ehf. 24.194.351 3,2% 7 5501973409 Lífeyrissj.starfsm.rík. A-deil 22.986.156 3,0% 8 4304089920 Auður Capital safnreikningur 22.037.060 2,9% 9 5810080150 Arion banki hf. 21.614.760 2,8% 10 4910982529 Lífeyrissjóður starfsm sveitarf 20.951.785 2,8% 11 4302690389 Stafir lífeyrissjóður 20.847.575 2,7% 12 5405022930 MP banki hf. 16.817.750 2,2% 13 6810770309 Sundagarðar hf 15.440.378 2,0% 14 5711710239 Festa - lífeyrissjóður 14.021.963 1,8% 15 4502902549 Almenni lífeyrissjóðurinn 13.952.313 1,8% ------------------------------------------------------------------ |
|||
|