Lánamál ríkisins - Fyrirtækjafréttir

Niðurstöður viðbótarútgáfu og skiptiútboðs

Útboð RIKB 12 0824 og RIKB 16 1013 viðbótarútgáfa.

Samkvæmt 5. grein í skilmálum um útboð ríkisbréfa, sem haldið var 19. nóvember
sl. stóð aðalmiðlurum til boða að kaupa 10% af andvirði þess sem selt var í
útboðinu á söluverði samþykktra tilboða. Að þessu sinni nýttu aðalmiðlarar sér
kaupréttinn í RIKB 12 0824 fyrir 800 m.kr. og RIKB 16 1013 fyrir 95 m.kr og því
nemur selt magn með uppgjöri 24. nóvember í flokknum RIKB 12 0824 alls 8.800
m.kr. og í flokknum RIKB 16 1013 alls 5.221 m.kr. að nafnvirði. 

Skiptiútboð niðurstöður

Í síðasta útboði ríkisbréfa hjá Lánamálum ríkisins áttu bjóðendur kost á því 
að kaupa bréf í RIKB 12 0824 og RIKB 16 1013  með sölu á RIKB 10 1210, sem
fellur á gjalddaga 10. desember nk. Að þessu sinni nýttu bjóðendur sér
söluréttinn að upphæð 8.990 m.kr. að nafnvirði.