Straumur-Burðarás Fjárfestingabanki hf. - Fyrirtækjafréttir

Straumur-Burðarás fjárfestingabanki hf. (Straumur) hefur gert viðskiptavakasamninga við Íbúðalánasjóð og Seðlabanka Íslands, fyrir hönd ríkissjóðs.

18. desember

Markmið samnings við Íbúðalánasjóð er að treysta verðmyndun á
íbúðabréfum og stuðla að auknum seljanleika þeirra á eftirmarkaði.

Í samningnum felst að Straumur er skuldbundinn til að leggja fram
tilboð að lágmarki 300 milljónir króna að nafnverði í hverju útboði
Íbúðalánasjóðs. Á eftirmarkaði (OMX Nordic Exchange á Íslandi) er
Straumur skuldbundinn til að leggja fram kaup- og sölutilboð að
lágmarki 50 milljónir króna að nafnverði og endurnýja þau innan 10
mínútna frá því þeim hefur verið tekið. Hámarksmunur kaup- og
sölutilboða er eftirfarandi eftir flokkum íbúðabréfa:

HFF 14 : 0,50%
HFF 24 : 0,75%
HFF 34 : 0,85%
HFF 44 : 0,95%

Ef Straumur hefur átt viðskipti á einum degi fyrir 300 milljónir
króna að nafnverði er Straumi heimilt að víkja frá hámarksmun kaup-
og sölutilboða.

Markmið samnings við Seðlabanka Íslands er að viðhalda aðgengi
ríkissjóðs að lánsfé og efla verðmyndun á markaði með ríkisverðbréf.

Í samningnum felst að Straumur er skuldbundinn að leggja fram tilboð
að lágmarki 100 milljónir króna að nafnverði í hverju útboði með
ríkisverðbréf. Á eftirmarkaði (OMX Nordic Exchange á Íslandi) er
Straumur skuldbundinn að leggja fram kaup- og sölutilboð að lágmarki
50 milljónir króna að nafnverði og endurnýja þau innan 10 mínútna frá
því þeim hefur verið tekið. Hámarksmunur kaup- og sölutilboða er
eftirfarandi eftir flokkum ríkisverðbréfa:

Líftími 3 - 6 mánuðir : 0,10%
Líftími 6 - 12 mánuðir : 0,15%
Líftími 1 - 2 ár : 0,20%
Líftími 2 - 4 ár : 0,30%
Líftími 4 - 6 ár : 0,40%
Líftími 6 - 9 ár : 0,70%
Líftími 9 ár eða lengri : 0,90%

Þegar líftími er þrír mánuðir eða skemmri er Straumi aðeins skylt að
leggja fram kauptilboð.

Ef Straumur hefur átt viðskipti á einum degi fyrir 300 milljónir
króna að nafnverði er Straumi heimilt að víkja frá hámarksmun kaup-
og sölutilboða.

Nánari upplýsingar veitir;
Georg Andersen
Forstöðumaður Samskipta-og Markaðssviðs.
Sími: +354 858 6707
georg@straumur.com