Reykjavíkurborg - Fyrirtækjafréttir

Útgáfuáætlun Reykjavíkurborgar fyrir fyrri hluta árs 2017

Í fjárhagsáætlun Reykjavíkurborgar fyrir árið 2017 kemur fram að
Reykjavíkurborg áætlar lántökur að fjárhæð 3.012 mkr. vegna framkvæmda. Gert er
ráð fyrir að lántakan verði framkvæmd með stækkun á verðtryggðum
skuldabréfaflokki RVK 53 1 og óverðtryggðum skuldabréfaflokki RVKN 35 1.
Heildarstærð RVK 53 1 er ISK 19.570.000.000 að nafnvirði. Heildarstærð RVKN 35
1 er ISK 3.480.000.000 að nafnvirði. 

Borgarráð samþykkti á fundi sínum 15. desember 2016 eftirfarandi
útboðsdagsetningar fyrir fyrri hluta árs 2017. 

Skuldabréfaútboð Reykjavíkurborgar verða á eftirfarandi dögum: 8. febrúar, 8.
mars, 5. apríl og 10. maí. 

Tilkynnt verður um fyrirkomulag einstakra útboða í fréttakerfi NASDAQ OMX á
Íslandi a.m.k 1 virkum degi fyrir útboð. 

Reykjavíkurborg áskilur sér allan rétt til að víkja frá áætlun þessari og mun
þá tilkynna um breytingar þar að lútandi í fréttakerfi NASDAQ OMX á Íslandi. 

Nánari upplýsingar gefur:
Birgir Björn Sigurjónsson
Fjármálastjóri Reykjavíkurborgar
Sími: 411-1111