|
|||
2010-12-09 13:32:53 CET 2010-12-09 13:33:53 CET REGULATED INFORMATION Reykjavíkurborg - ÁrsreikningurÁrshlutareikningur fyrir tímabilið janúar - september 2010Óendurskoðaður árshlutareikningur Reykjavíkurborgar fyrir tímabilið janúar - september 2010 er lagður fram fram í borgarráði í dag, fimmtudaginn 9. desember 2010. Óendurskoðaður árshlutareikningur Reykjavíkurborgar fyrir tímabilið janúar til september 2010 er lagður fram í borgarráði í dag fimmtudaginn 9. desember. Rekstur Reykjavíkurborgar skiptist í A hluta og B hluta. Til A hluta telst starfsemi sem að hluta eða öllu leyti er fjármögnuð með skatttekjum. Um er að ræða Aðalsjóð, þ.e. rekstur fagsviða, og Eignasjóð. Til B hluta teljast fjárhagslega sjálfstæð fyrirtæki sem að hálfu eða meirihluta eru í eigu borgarinnar, en rekstur þeirra er að stofni til fjármagnaður með þjónustutekjum. Fyrirtækin eru: Bílastæðasjóður Reykjavíkur, Faxaflóahafnir, Félagsbústaðir hf., Íþrótta- og sýningahöllin hf., Malbikunarstöðin Höfði hf., Orkuveita Reykjavíkur, Skíðasvæði höfuðborgarsvæðisins, Slökkvilið höfuðborgarsvæðisins bs., Sorpa bs. og Strætó bs, auk Aflvaka hf og Jörundar ehf. Á árinu 2010 hefur reikningsskilaaðferð verið breytt til samræmis við álit Reikningsskila- og upplýsinganefnd sveitarfélaga nr. 1/2010 og 2/2010. Breytingin felst í því að leigusamningar fasteigna og annarra mannvirkja og leiguskuldbindingar vegna þeirra eru færðir í efnahagsreikning. Einnig eru lóðir og lendur sem gefa af sér tekjur eignfærðar. Eigið fé í efnahagsreikningi borgarinnar hækkar um 13,6 milljarða við þessar breytingar. Rekstrarniðurstaða bæði A hluta og A og B hluta er 463 milljónum króna lakari á tímabilinu janúar - september 2010 með nýrri reikningsskilaaðferð. Í fjárhagsáætlun fyrir tímabilið janúar til september 2010 fyrir A hluta var gert ráð fyrir því að niðurstaða fyrir fjármagnsliði yrði neikvæð um 2.093 milljónir króna og rekstrarniðurstaða tímabilsins neikvæð um 802 milljónir króna. Samkvæmt árshlutareikningi janúar til september 2010 er niðurstaða A hluta fyrir fjármagnsliði neikvæð um 534 milljónir króna og rekstrarniðurstaða jákvæð um 1.110 milljónir króna. Í áætlun fyrir tímabilið janúar til september 2010 fyrir A og B hluta var gert ráð fyrir jákvæðri niðurstöðu fyrir fjármagnsliði um 1.600 milljónir króna og neikvæðri rekstrarniðurstöðu um 1.949 milljónir króna. Samkvæmt ársreikningi er niðurstaða A og B hluta fyrir fjármagnsliði jákvæð um 4.652 milljónir króna og rekstrarniðurstaða er jákvæð um 16.528 milljónir króna. Rekstrartekjur A og B hluta voru 68.910 milljónir króna eða um 1.872 milljónir umfram áætlun og rekstrargjöld voru 64.258 milljónir króna eða 1.181 milljón undir áætlun. Fjármagnsliðir voru jákvæðir um 18.802 milljónir króna en áætlun gerði ráð fyrir að þau yrðu neikvæð um 3.550 milljónir króna. Munurinn skýrist einkum af gengis- og verðlagsbreytingum. Rekstrartekjur A hluta voru 44.950 milljónir króna eða 2.058 milljónir yfir áætlun. Rekstrargjöld voru 45.484 milljónir króna eða um 499 milljónir undir áætlun. Eignir A hluta voru 130.707 milljónir króna, hækka úr 97.594 milljónum króna eða um 33.113 milljónir. Skuldir A hluta að frátöldum skuldbindingum hækka úr 24.643 milljónum í 43.034 milljónir eða um 18.391 milljón en skuldbindingar hækka um 14 milljónir, úr 9.181 milljónum í 9.195 milljónir. Eigið fé A hluta hækkar um 14.707 milljónir úr 63.770 milljónum í 78.477 milljónir, Hækkun eigna, skulda og eiginfjár skýrist að stærstum hluta með breytingum á reikningsskilaaðferð. Eignir A og B hluta voru 454.312 milljónir króna og hafa vaxið um 37.792 milljónir króna á tímabilinu. Heildarskuldir A og B hluta að frátöldum skuldbindingum eru 297.527 milljónir króna en voru 296.268 milljónir króna í árslok 2009 og hafa því aukist um 1.259 milljónir króna. Skuldbindingar hækkuðu um 4.720 milljónir króna á tímabilinu. Eigið fé A og B hluta hækkar um 31.812 milljónir úr 110.175 milljónum í 141.987 milljónir, sem skýrist að stærstum hluta af rekstrarniðurstöðu tímabilsins og breytingu á reikningsskilaaðferð. Veltufjárhlutfall hjá A og B hluta var 0,86 þann 30.09.2010 á móti 1,03 í árslok 2009. Hjá A hluta var hlutfallið 2,12 þann 30.09.2010 en 2,12 í árslok 2009. |
|||
|