Reitir fasteignafélag hf. - Fyrirtækjafréttir

REITIR: Niðurstöður skuldabréfaútboðs 20. október

Lokuðu útboði Reita fasteignafélags hf. á skuldabréfum þann 20. október 2016 er
lokið. Boðin voru til sölu skuldabréf í áður útgefnum og skráðum flokkum,
REITIR151244 og REITIR151124, auk skuldabréfa í nýjum óverðtryggðum flokki,
REITIR 22, sem óskað verður eftir að skráður verði í kauphöll. Tilgangur
skuldabréfaútgáfu félagsins er endurfjármögnun á hluta núverandi skulda
félagsins, til fjármögnunar fasteignaþróunar og mögulegra fasteignakaupa sem og
til rekstrarþarfa eftir atvikum. 

Alls bárust tilboð í flokkana REITIR151244 og REITIR 22 að nafnvirði 3.090
milljóna króna, en ekki bárust tilboð í REITIR151124. Ákveðið var að taka
tilboðum að nafnvirði 950 milljóna króna á ávöxtunarkröfunni 3,60% í flokknum
REITIR151244, og að nafnvirði 300 milljóna króna á ávöxtunarkröfunni 6,03% í
flokknum REITIR 22. Áður hafa verið gefin út skuldabréf að nafnvirði 30.005
milljóna króna í flokknum REITIR151244 og verður heildarstærð hans því að
nafnvirði 30.955 milljóna króna eftir útgáfuna. 

Gjalddagi áskrifta, afhending bréfa og skráning á Aðalmarkað Nasdaq Iceland er
fyrirhuguð 27. október næstkomandi. 

Nánari upplýsingar veitir:
Einar Þorsteinsson, fjármálastjóri, á netfanginu einar@reitir.is eða í síma 669
4416