Marel hf. - Ársreikningur

Marel hf. – Veiting kauprétta

Stjórn Marel hf. ákvað á fundi sínum 4. júní 2012 að veita framkvæmdastjórn
félagsins og lykilstarfs­mönnum kauprétti að allt að 11 milljónum hluta í
félaginu. 

Kaupréttarsamningunum er ætlað að samtvinna hagsmuni starfsmanna og félagsins
til lengri tíma.  Er þetta í samræmi við starfskjarastefnu félagsins sem
samþykkt var á aðalfundi Marel þann 29. febrúar 2012, en áður hafði verið
samþykkt á aðalfundi félagsins árið 2010 að heimila stjórn að gefa út allt að
45 milljónir nýrra hluta í tengslum við kaupréttarsamninga við starfsmenn. 

Meginefni kaupréttarsamninganna er eftirfarandi:

  -- Veittur er kaupréttur að hlutabréfum á grunnverðinu EUR 0,967 á hlut
[1]
      sem hækkar árlega um 3% (e. hurdle rate). Verðið skal leiðrétt fyrir
     arðgreiðslum sem kunna að verða greiddar frá útgáfudegi kaupréttanna.
  -- Kaupréttirnir verða virkir í þrennu lagi, fyrst verða 60% kaupréttanna virk
     í október/nóvember 2015, síðan 20% árið 2016 og loks 20% árið 2017.
     Starfsmenn geta frestað nýtingu á kaupréttum sínum til ársins 2018, þegar
     samningarnir renna út og falla þá virkir en ónýttir kaupréttir niður á sama
     tíma.
  -- Kaupréttur er aðeins gildur sé kaupréttarhafi í starfi hjá Marel (Marel hf.
     eða dótturfélaga að fullu í eigu Marel) á nýtingardegi.

Engir söluréttir eru til staðar eða fjármögnun tengd kaupréttarsamningunum en
starfsmenn geta óskað eftir viðskiptum án þess að að leggja fram fjármagn (e.
cashless exercise) sé keypt og selt samtímis. 

Heildarfjöldi hluta sem Marel hf. hefur nú veitt starfsmönnum sínum kauprétt að
eru 33,2 milljónir og er þá meðtalin þessi nýja útgáfa kaupréttarsamninga.
Heildarkostnaður félagsins vegna samninganna næstu 5 árin er áætlaður um 1,4
milljónir evra og er þá byggt á reiknilíkani Black-Scholes. 

Nánari upplýsingar um kauprétti sem veittir eru framkvæmdastjórn og
framkvæmdastjórum iðnaðarsetra og sölu- og þjónustu: 



     Nafn         Staða       Nýr       Fyrri og       Eignarhluti í eigin nafni
                           kauprétt      ónýttur        og /eða  tengdra aðila  
                              ur        kaupréttur                              
--------------------------------------------------------------------------------
  Theo Hoen     Forstjóri   600,000     2,350,000              1,500,000        
--------------------------------------------------------------------------------
 Erik Kaman    Fjármálast   450,000     1,850,000              1,675,000        
                  jóri                                                          
--------------------------------------------------------------------------------
 Sigsteinn P.  Aðstoðarfo   450,000      675,000                25,997          
 Gretarsson     rstjóri                                                         
--------------------------------------------------------------------------------
   Anton de    Framkvæmda   315,000     1,100,000                  0            
    Weerd        stjóri                                                         
--------------------------------------------------------------------------------
   Jon B.      Framkvæmda   210,000      100,000                   0            
 Gunnarsson      stjóri                                                         
--------------------------------------------------------------------------------
   BertJan     Framkvæmda   210,000      125,000                   0            
  Hardenbol      stjóri                                                         
--------------------------------------------------------------------------------
 David Wilson  Framkvæmda   210,000       50,000                   0            
                 stjóri                                                         
--------------------------------------------------------------------------------
    Petur      Framkvæmda   315,000      850,000               114,430          
 Gudjonsson      stjóri                                                         
--------------------------------------------------------------------------------



[1]Kaupréttargengið er ákvarðað út frá lokagengi hlutabréfa Marel hf. á NASDAQ
OMX Iceland hf. þann 1. júní 2012, þ.e. ISK 156 á hlut, umreiknað með miðgengi
Seðlabanka Íslands fyrir EUR/ISK: 161,35.