|
|||
2010-09-27 13:14:09 CEST 2010-09-27 13:15:09 CEST REGULATED INFORMATION Landsvirkjun - FyrirtækjafréttirUmframeftirspurn í skuldabréfaútboði LandsvirkjunarLandsvirkjun hefur samið um stækkun á fyrri skuldabréfaútgáfu úr 100 í 150 milljónir Bandaríkjadollara. Milligönguaðili er sem fyrr Deutsche Bank og eru kaupendur erlendir fjárfestar. Annað er óbreytt, lánstími er fimm ár og bera skuldabréfin 6,5% fasta vexti. Hörður Arnarson, forstjóri Landsvirkjunar segir stækkunina mjög jákvæða fyrir fyrirtækið: „Þessi stækkun er mjög jákvæð fyrir Landsvirkjun og endurspeglar góðar viðtökur við fyrra útboði. Það er mjög jákvætt að fá fleiri fjárfesta að borðinu og ljóst að Landsvirkjun hefur tekist að byggja upp traust á fyrirtækinu sem sýnir sig í þessari umframeftirspurn“. Landsvirkjun hefur nú aðgang að um 500 milljónum Bandaríkjadollara til að mæta skuldbindingum næstu ára. Fyrirtækið er nú nálægt því að ljúka langtíma endurfjármögnun miðað við núverandi rekstur. Nánari upplýsingar veita Ragna Sara Jónsdóttir, yfirmaður samskiptasviðs, sara@lv.is og Kristján Gunnarsson, deildarstjóri fjármáladeildar, kristjan@lv.is . 27. september 2010 |
|||
|