Exista hf. - Fjárhagsdagatal

Ársreikningur 2008 ekki birtur í viku 18

Exista mun ekki birta ársreikning félagsins fyrir árið 2008 í viku 18 eins og
áður hafði verið tilkynnt. Í því sambandi vísar félagið til 2. mgr. 56. gr.
laga nr. 108/2007 um verðbréfaviðskipti, sem kveður á um að útgefendur
skuldabréfa séu undanþegnir ákvæðum VII. kafla laganna um reglulegar
upplýsingar útgefanda, ef eingöngu skuldabréf útgefanda hafa verið tekin til
viðskipta á skipulegum verðbréfamarkaði og nafnverð eininga skuldabréfanna er
að minnsta kosti 4,6 milljónir króna.