|
|||
![]() |
|||
2014-03-19 16:52:49 CET 2014-03-19 16:53:49 CET REGULATED INFORMATION Íbúðalánasjóður - FyrirtækjafréttirMánaðarskýrsla Íbúðalánasjóðs febrúar 2014Aukin eignasala í byrjun árs Í nýútkominni mánaðarskýrslu Íbúðalánasjóðs fyrir febrúar 2014 kemur meðal annars fram að fyrstu tvo mánuði þessa árs hefur Íbúðalánasjóður selt 584 eignir. Þar munar mest um yfirtöku Kletts leigufélags á 517 eignum sjóðsins, en auk þess hefur hefðbundin eignasala sjóðsins aukist á milli ára, jafnvel þótt salan til Kletts sé dregin frá. Þannig seldi sjóðurinn samtals 67 eignir í janúar og febrúar á þessu ári, en 22 eignir á sama tímabili í fyrra. Af 2.111 heildareignum sjóðsins eru 1.017 í sölumeðferð, flestar á skrá hjá fasteignasölum, og 881 íbúð víðsvegar um landið er í útleigu á vegum sjóðsins. Heimilum í vanskilum við Íbúðalánasjóð fjölgar lítillega á milli mánaða. Hlutfall lánþega í vanskilum fór úr því að vera 7,05% af lánþegum sjóðsins í janúar 2014 í að vera 7,15% í febrúar. Þessi hækkun er örlítið frávik frá minnkandi vanskilum undanfarins árs, en sambærilegt hlutfall í febrúar í fyrra var 9,23%. |
|||
|