|
|||
2012-09-27 18:41:15 CEST 2012-09-27 18:42:16 CEST REGULATED INFORMATION Marel hf. - FyrirtækjafréttirHæstaréttardómur Marel í vilHæstiréttur Íslands kvað í dag upp dóm sinn í máli Glitnis banka hf. gegn Marel hf. Var niðurstaða dómsins sú að Marel var sýknað af kröfum Glitnis hf. Dóminn í heild sinni má lesa á heimasíðu Hæstaréttar: http://www.haestirettur.is/domar?nr=8334. Málið snérist um ágreining um uppgjörsaðferð tiltekinna afleiðusamninga sem m.a. voru gerðir í tengslum við útgáfu skuldabréfaflokksins MARL 06 1 árið 2006. Strax í kjölfar falls Glitnis í október 2008 leituðust forsvarsmenn Marel eftir því við skilanefnd bankans að samningarnir héldu gildi sínu til umsaminnar lokadagsetningar, sem var í febrúar 2012. Glitnir sá sér hins vegar ekki fært að inna skyldur sínar af hendi samkvæmt samningnum gagnvart Marel og gerðu aðilarnir með sér samkomulag um uppgjör og slit samninganna þann 5. maí 2009. Greiddi Marel Glitni í tengslum við samkomulagið samtals rúmlega 20,3 milljónir evra á grundvelli svokallaðrar uppsöfnunaraðferðar. Glitnir taldi hins vegar að beita ætti svokallaðri núvirðisaðferð við uppgjörið og krafði Marel um tæplega 4 milljónir evra til viðbótar auk 6% vaxta frá uppgjörsdegi. Var það skoðun Marel að slík krafa ætti ekki rétt á sér þar sem Glitnir sannanlega vanefndi skyldur sínar samkvæmt samningunum og ætti því ekki að geta gert kröfu um frekari bætur og hagnast þannig á umræddri vanefnd. Voru aðilar ásáttir um að leiða ágreining sinn um uppgjörsaðferðina til lykta fyrir almennum dómstólum. Dómur Héraðsdóms Reykjaness í málinu féll þann 12. apríl 2011 þar sem Marel var sýknað af kröfum Glitnis, og nú hefur Hæstiréttur Íslands staðfest þá niðurstöðu. Marel fagnar niðurstöðu Hæstaréttar Íslands enda er hún í fullu samræmi við röksemdir og kröfur félagsins í málinu. Máli þessu er því lokið og allri óvissu eytt hvað varðar umrætt uppgjör afleiðusamninga félagsins við Glitni. |
|||
|