|
|||
![]() |
|||
2017-11-02 17:19:19 CET 2017-11-02 17:19:54 CET REGULATED INFORMATION Skeljungur hf. - Niðurstöður hluthafafundarSkeljungur: Niðurstaða hluthafafundarStjórn Skeljungs veitt heimild til framkvæmdar endurkaupaáætlunar Á hluthafafundi Skeljungs hf. þann 2. nóvember 2017 var samþykkt viðbót við 8. gr. samþykkta félagsins, um eigin hluti félagsins, þess efnis að yrði heimild til kaupa á eigin hlutum veitt skyldi hennar getið í sérstökum viðauka við samþykktirnar og skyldi viðaukinn vera hluti af samþykktunum þann tíma sem heimildin væri í gildi. Hluthafafundurinn veitti jafnframt stjórn heimild til þess að kaupa, fram að næsta aðalfundi, hlutabréf í félaginu þannig að það ásamt dótturfélögum þess gæti átt allt að 10% af hlutafé þess. Kaup félagsins skyldu þó ekki fara fram yfir kr. 700.000.000,- að markaðsvirði. Einungis er heimilt að nýta heimild þessa í þeim tilgangi að setja upp formlega endurkaupaáætlun. Endurgjald fyrir keypta hluti skal ekki vera á hærra verði en nemur verði síðustu óháðu viðskipta eða hæsta fyrirliggjandi óháða kauptilboði í þeim viðskiptakerfum þar sem viðskipti með hlutina fara fram, hvort sem er hærra. Nánari upplýsingar veitir Benedikt Ólafsson, framkvæmdastjóri fjármálasviðs Skeljungs hf., fjarfestar@skeljungur.is, 840-3071. [] |
|||
|