Icelandair Group hf. - Hluthafafundir

- Hluthafafundur 6.ágúst 2009

Hluthafafundur í Icelandair Group verður haldinn fimmtudaginn 6. ágúst 2009 á
Hilton Reykjavík Nordica. 

Dagskrá.

1.	Tillaga um breytingu á samþykktum félagsins. Svohljóðandi grein bætist við
samþykktir félagsins sem verði 5. gr. a.: 
         Stjórn félagsins er heimilt að hækka hlutafé með eftirfarandi hætti:
      (i)Heimilt er að hækka hlutafé félagsins um allt að kr. 15.000.000.000 -
         fimmtán milljarða íslenskra króna - með áskrift nýrra hluta. 
     (ii)	Heimild þessi rennur út þann 1. júlí 2010.
    (iii)	Nafnverð hluta sem hluthafar geta skrifað sig fyrir er ein króna.
         Heimilt er að ákveða áskriftargengi með almennu útboði nýrra hluta. 
     (iv)	Hluthafar njóta ekki forgangsréttar til áskriftar.
      (v)	Hluthöfum er heimilt að greiða fyrir þá nýju hluti sem þeir skrá sig
         fyrir með skuldajöfnuði að hluta eða öllu leyti, samkvæmt nánari
         skilyrðum sem stjórn ákveður. Ekki skal gerð sérstök sérfræðiskýrsla
         vegna greiðslu með skuldajöfnuði, en stjórn skal þess í stað útbúa
         greinargerð um verðmæti greiðslunnar, sbr. 6. gr. c. laga nr. 2/1995
         um hlutafélög. 
     (vi)	Hinir nýju hlutir skulu veita réttindi í félaginu frá
         skrásetningardegi 
         hlutafjárhækkunarinnar. Stjórn skal setja nánari reglur um fresti til 
         áskriftar og greiðslu hluta. 

2.	Kosning stjórnar félagsins

3.	Önnur mál löglega fram borin



Framboð til stjórnar skal tilkynna skriflega til stjórnar félagsins,
aðalskrifstofu á Reykjavíkurflugvelli, skemmst fimm dögum fyrir fundinn.  Í
tilkynningunni skal greina nafn frambjóðanda, kennitölu, heimilisfang,
upplýsingar um aðalstarf, önnur stjórnarstörf, menntun, reynslu og
hlutafjáreign í félaginu, hagsmunatengsl við 
helstu viðskiptaaðila og samkeppnisaðila félagsins, sem og hluthafa sem eiga    
meira en 10% í félaginu.

Óski hluthafi eftir að fá ákveðið mál tekið til meðferðar á fundinum skal ósk
hans komið skriflega til aðalskrifstofu félagsins sjö dögum fyrir fundinn.